我不是潮州人,但很喜歡吃煎蠔餅。 不要拘泥於傳統做法,現在就來做一個晚餐。清炒菜心+ 蔥香煎蠔餅點擊圖片放大 +9 煎蠔餅材料: 蠔仔一碟, 小洋蔥半個, 蒜仔一段, 雞蛋兩隻, 粟粉適量1: 菜心洗淨, 切段。 燒熱油, 放菜心落去炒約五分鐘, 冚鑊蓋約三分鐘, 揭蓋兜勻,即可上碟。注意: 不用加調味及水, 清炒菜心, 清甜軟滑。2: 蠔仔洗乾淨, 瀝乾水分, 加啲頭抽醃吓。 蒜仔切片, 洋蔥切粒, 備用。 攞隻大碗打兩隻蛋,放大約半飯碗粟粉, 加少少鹽及 糖落去,用啲內功,攪勻循成蛋漿。一切準備就緒……💣3: 燒熱啲油,放蒜仔洋蔥粒,炒香佢, 放啲蠔仔落鑊,猛火煎幾分鐘,反轉再煎幾分鐘, 跟住轉中火,冚鑊蓋約三分鐘, 揭蓋繼續用火收乾水份, 加蛋漿, 好似煎奄列咁。4: 當啲蛋漿呈現金黃色, 即刻 ,熄火, 盛起啲蠔餅, 立即沈啲胡椒粉落去, 去除腥味又增添鮮味😋。有別於傳統做法, 蠔仔不用飛水, 保存鮮甜及營養。開飯喇!🍸