護士真是一個十分有趣的職業 因為會見到很多估你唔到的事 正所謂一樣米養百樣人 OL可以係辦公室見到上司同事下屬隔離部門＆客的百態 護士都可以見到上司同事下屬病人家屬醫生社工OT PT ST Dietitian的百態 ＊OT：職業治療師 PT：物理治療師 ST：言語治療師 以下有幾個完全無統一主題／關係的小故事 只是因為我諗起姐 （當中不少出賣朋友的故事＝P） ＊請留意 做我地呢行講野係好MEAN 即使對生命都好MEAN 唔係因為我地唔珍惜生命 而是我們見得太多 可能係看化了 看開了 又或者明白好多時對住生命 唔係盡左力就得 更多時是冷淡了抽離了 所以我地的故事對話有時會令到其他人唔舒服 我就曾經俾我哥話我講野涼薄 我相信好多人諗野都好MEAN 只是無講出口 所以如果接受不到 請不要又要企係道德高位 又要看 ＊＊有18禁題材 幾年前 我是骨科到做 久唔久會有一些Minor OT （這裏的OT指手術）如縫針 會在床邊做 我做個間病房有一個特別的TreatmentRoom（治療室）專俾醫生做這些小手術 個日我番A （AM： 0700-1420) 7點半未夠 急症室就推左一個Patient上黎 割脈自殺斷了手的Ligament（韌帶） 前一晚的當值醫生到9點前都要收新症 咁醫生望一望就要去治療室接駁番條Ligament 當時我最細 所以係7:30呢D倒瀉屎（忙到嘔）的時間我就跟左醫生去開檔（協助醫生做一D少型Procedure） 係駁的過程中 其實係駁之前 我見到醫生拎住線個隻手震過一個呀婆 我就講左一句你好震喎 （當時經驗尚淺 我地係唔應該係病人前講D咁既野） E 生：X（一句粗口） 我做左成晚 未瞓過 好眼瞓 X（再一次）唔夠瞓 真係好震 我： 呀婆 咩事睇唔開？你唔痛咩？(諗住轉話題 博呀婆聽唔到) 婆（即係自殺個位）： 好痛呀 我唔會架喇 (割脈)（好似無做功課的小朋友）（根據經驗呢D呀婆唔係真係想死） 我： 呀婆 割脈割手係唔會死 你俾人救番 又死唔去隻手又唔會好似以前咁靈活 下次唔好喇 E生： 係呀 呀婆 下次自殺唔好再割脈 可以試下食藥 咁你就唔會入骨科 又或者跳樓 一定死得 唔好再割脈 仲有唔好再呢個時間入院 知唔知醫生好眼瞓 X（再一次）真係好手震 (不斷loop) 婆：我以後唔敢喇 （不斷LOOP） 我忍唔住笑左出黎 醫生同病人講既野係無溝通 而且醫生講咁耐只係唔想佢呢個時間入院 唔櫨佢呢個時間入骨科 因為佢手震所以比平時縫得更耐 BTW呢個醫生醫術OK 我朋友係手術室到做 有一晚佢番Night（2100-0710) 番到牙牙聲 話開左檔EOT （Emergency 的OT）有一個男人入黎開肚開腸 開肚做咩？不外乎Put STh In／ Take Sth Out 今次係Out Out咩？你食唔食鰻魚架？ ＊＊＊請不要想像 話男人A同Partner玩到太開心 用條線綁住放左條鰻魚入去 可能郁下郁下會開心D 係邊？ Ummm 去臭臭的地方 點知條魚唔生性 嘴有個勾 勾住左條腸 拎唔番出黎 唯有去急症啦 咁候鰻魚點？我估佢無想像過自己會死係個到 最後因為條魚是男人既財物 拎左出黎後就放左係佢枱面 問佢要唔要囉～～ 下次玩唔好玩到咁大喇 一年都聽做好多呢D OT 不過鰻魚真係第一次～ You Seem Like Fun
