（註：圖文不符） 昨晚遇到一個不太熟的舊同事 閒聊數句 她知道我辭職 正想說好羡慕我 我立刻打斷她 半開玩笑說：⌈唔好講羡慕我 無咩值得羡慕 你都得⌋ 自從辭職後 每個知道的人都跟我說羡慕我 有勇氣可以放低所有野出走 除了己經結婚／要一個人養父母的朋友 每次我都笑住答你都得 然後大家都會重覆話： ⌈你就好 好羡慕⌋ 我都會重覆講 ：⌈你都得⌋ 那個舊同事比我小 她直接話羡幕我放得低錢 現在的人工 我話：⌈錢搵得番 但時間係買唔到 幾年後你就會覺得呢筆錢好少⌋ 不知是否聽過太多這種羡慕之詞 我忍不住再講多幾句 香港人是不會死 就算好唔掂 都可以拎綜緩 （我唔認為真係會搵唔到工要拎 大把人高薪請洗碗） 老實說 我完全想像不到下兩個月生活是點 我連Last Day個個星期是點都不知道 但我現在想 我明天又要番工 又PANight（護士上班更期） 知道下星期一3PM要上班 知道星期日買了飛看戲 Plan好哂知道哂每日是點 原來令我覺得好驚 大家都視為Safe 隠定的生活 原來我好怕 不是說一點計劃都無就好 而是我怕太有計劃 （我自己都有計劃 只是有點Vague） 現在當我想我下個月15日大概會在歐州 但不知會遇到甚麼人 甚麼事 這才令我個心踏實 不是我有勇氣走 只是我無勇氣留低 我估這個舊同事應識像其他人一樣 不是真的羡慕我 只是說說 因為當我講完後 她繼續說 好羡慕我。。 似乎是我太認真了 If you do what you always did, you will get what you always got.
