斯里蘭卡是印度洋上一個島國 大家對她的了解應該只得南亞海嘯 BUT SHE IS MUCH MORE THAN THAT!! 其實斯里蘭卡有咩搞? 1) 陽光與海灘 作為一個四面環海的島國 成條海岸線都好靚 有好多沙灘 大部份沙灘 都可以潛水浮潛 (聽講好靚 但我唔夠時間) 而且好大浪十分適合surfing 所以旅遊旺季 好多人來surfing! 另外有幾個海灘和馬爾代夫 share同一海域 2) safari 唔好以為剩係坦桑尼亞 馬達卡斯卡先可以safari 其實斯里蘭卡 一樣得 雖然無非洲咁多動物 但你好彩都可以睇到獵豹 黑熊 狐狸 唔好彩都可以見到一推大象 一推鱷魚一推斑比 我今次去就好好彩見到全部 仲見到隻?黑豹 連司機哥哥都覺驚奇 (最後發現同車的新加坡人為了safari 著左紅底) 而且在斯里蘭卡睇平好多 只是$325 係港紙!! (如果多人share 會更平) 我部相機係好傻瓜的傻瓜機 我的技術係好一般 所以要靠大家的想象力和視力 （提示：有鱷魚 大象 ＆獵豹） 3） Whale watching 除了在日本 冰島 你都可以來斯里蘭卡 如果peak season 來 聽聞是100%看到 仲可以見到海豚 但我今次去7月 比較大浪 通常鯨魚都去了另一個比較平靜海域 但我今次好好彩見到 雖然唔算好大 條鯨魚好近 除了見到噴水 仲見到佢沉落水前 條尾露出水面!!! (但我嘔到七彩 影唔到) 又係平 $200埋單 4） 行山 睇自然風景 斯里蘭卡有很多大大小小的山適合hiking 比較出名有 Adam's Peak (唔夠時間 無去) 亦有很多waterfall 而且有個好出名的高原叫 Horton Plain可以看到一個叫world's end 的地方 其實是從一個很高的懸崖向下望 幾靚 可以和歐洲婫美 5） 歷史建築物/遺跡 斯里蘭卡之前先後比荷蘭英國人統治過 所以有一部分建築物仍然保留 而且佢地好識保育 會將以前的醫院改建成餐廳酒店 而不是拆完再起 另外仲有世界文化遺產 叫Sigiriya 中文即係獅子岩 係以前一個皇帝驚細老尋仇而係一個地勢險峻的地方起皇宮 個遺跡唔算特別但個view幾靚 6）看海龜生蛋 (呢個好想睇 但唔夠時間) 斯里蘭卡有很多大大小小政府/私人的海龜人保育場 可以看到不同的海龜 而且仲可以夜媽媽 好似旅遊特輯咁睇海龜生蛋 真是不得了!!! 7 ）宗教寺廟 教堂 斯里蘭卡有66%係佛教徒 之後就係天主教徒 再之後就是 Muslim & 印度教 所以有很多不同的 temples, churches 其中Kandy有間寺廟擺左佛祖隻牙(堅架！) 一日有三段prayer time 會俾大眾拜下 我今次就趕唔切 但每年7月尾8月都會有佛牙節 就係隻牙會出巡遊街 是斯里蘭卡一個好大的節日 今年是7月尾 (廟入面好多馬騮 中北部斯里蘭卡都好多 我以為自己去左馬騮山) 8）小象孤兒院 一個政府的組織養大d細細個就無左媽媽的小大象 等大過了 就放番出郊外 真係好可愛!!! 周圍搵野玩 勁似DUMBO! 9）住樹屋 司機哥哥問我住唔住樹屋 梗係住！ 斯里蘭卡7月雖然熱 但晚上都算涼 特別係樹屋 十分涼快無冷氣都無問題 雖然有昆蟲 但唔算多 比我想像少好多 而且無蚊 雖然得涷水沖涼 不過下午沖都好舒服 只要你唔怕晚上大風時會發出鬼片的聲音 樹屋都幾舒服 10) 荼園採茶 斯里蘭卡以前叫錫蘭 好出名荼葉 Lipton都係個到種 除了可以參觀茶廠 聽聞仲可以採茶 不過我無咩興趣 （呢個係另一個茶園） 11) 觀鳥 Um····呢個我無興趣 其實斯里蘭卡好平 而且好安全 絕對可以自己Backpack 但我今次得５日 唔想浪費時間搭交通工具 又唔想用腦 所以請左個driver + guide 一定會比自已去貴 當然多人夾會平D 以下絕對係廣告 不過我覺得ok 呢個司機幫我解決所有問題 食住行不斷問我o唔ok 隨時改都得 whatsapp 覆得好快 而且佢好熟當地所有旅行資料 歷史大部份都答到 另外佢酒店同tour 都算公道 起碼比show出黎公價平 佢唔似食好多差價 我見 whale watching ticket 寫６０００盧比 佢只收我３５００ 另外酒店可以自己揀 唔一定要住佢介紹個間 我見網上有好平 可能唔使１０usd 但預未必有熱水／冷氣 亦有１２０usd一晚 已經係５星級既級數 最後個日我預少左錢無哂盧比 諗住去銀行禁 佢話唔使仲包我午餐且晚餐 同postcards都係佢出錢 之前有幾餐都係佢比 雖然唔貴 但人地做緊生意！！！ 以下係佢資料 有興趣可以直接搵佢 比via agent 平好多 URL：http://www.srilankanpersonaldrivers.com/index.html Whatsapp：＋94 722279274
