Resuscitation (CPR) 意思是指當病人 沒有生命表徵時 如無心跳無呼吸時 (cardiac arrest) 進行一些創傷性治療 如心外壓 藥物治療 插喉到病人肺部並用呼吸機幫助病人呼吸 有需要時更會用electric shock 藥物治療 等等 亦即是平時講的急救 DNACPR--- Do Not Attempt Resuscitation (CPR) 即指當醫生覺得病人因為長期病 如癌症 令到resuscitation not working 或者 resuscitation對病人的傷害是多過benefit時 就會選擇放棄急救 等病人走得舒服點 因為CPR 的過程有機會會搓斷肋骨 搓爆橫隔膜 ，胰臟等等 (基本上就一定斷肋骨 唔係點搓到個心?) DNACPR 其實係一個medical decision 就唔使屋企人同意 當然病人自己都有權選擇 (與安樂死不同) 但為了對病人家屬的尊重 和係一個中國人的社會家人的重要性 醫生通常都會問家屬意見 如果家人不同意 無論病人情況如何 醫生都會急救 一來是尊重病人家屬 二來怕投訴 見過咁多病人過身 對於大部份年紀大的病人 DNACPR 是對他們一個解脫 我有一次 個病人已經好多日唔肯食野 你望住個病人 你知佢係時候要走 就算成功急救 都只是延長痛苦 但家人堅持急救 最後搓到婆婆七孔流血 醫生終於叫停 個次是我第一次搓到心up 我唯一可以做就係將婆婆清潔乾淨 俾屋企人見最後一面 對我黎講 DNACPR 原意是很好 讓病人安安落落 自然走 比勉強病人捱下去來得人道 但可惜都有些醫生知道病人已經DNACRP 就唔盡力俾treatment 有些醫生護士都覺得DNACRP 即係可以唔使搞 令到有些病人錯過治療( 當然只是少部份) 我亦見過有d人為了其他原因堅持醫生要搶救 如病人係退休公務員 只要病人一日還在生 政府都仲俾緊退休金 但從來無見過佢地黎探病人 又例如話有其他親友係外國番緊黎見最後一面 令病人靠呼吸機生存多幾日 到過左生 都仲未番到黎 點解到最後都仲要個老人家等你? 每個人都有機會遇到醫生問你 『情況危殆時 唔進行創傷性急救 可以嗎？』 請考慮清楚才答 了解清楚病人情況才答 病人情況係咪真係去到咁差呢? 你可能會覺得又唔係醫生護士點知佢情況 你可以探多d關心多d病人 你知佢平時係點 你就會知佢係咪差左 你亦可以問醫生護士 了解病人情況 (不過請家人問完再自己家人間溝通下先 護士唔係唔想答 而係可唔可以唔好答完個仔的問題 10分鐘後個女又問番一樣的問題!??) 其實講咁多都係想你地關心下家中病左的老人家 了解佢既情況 如果情況真係好差 請珍惜和他行埋最後呢段路的時間
