一個獨遊女子很常聽到以下問題 ⌈你好勇敢⌋ ⌈一個女你好危險⌋ ⌈你得唔得架？⌋ 剛開始一個人去旅行 只是想有一點不同 是甚麼不同？不知道 是甚麼改變？不知道 只是一心認為獨遊會令自己改變 當是連行程都無多想 只是心中有一個地方想去 只Book了第一晚 Hostel 找了出機場的方法 現在你問我有無改變 肯定是有的 那改變是好嗎？ Definitely Yes！ I）再發現人生是充滿無限可能性 自從工作後 覺得每一天都係一樣 公司 屋企 期待放假去旅行 再公司 再屋企 再期待放假去旅行 開始覺得番工無Input 知識無增長 份工無意義 不斷質疑所有事情的可行性 又捨不得轉工 然後發現自己越來越似初入職時好憎的Senior 老Seafood 望下手錶 是時候要結婚 買樓 好似定律咁 再望下隔離個個 佢都係咁 我就是好怕自己會這樣一世 於是好想改變 一個人去旅行 你會覺得好似番番去讀書時代 所有事情都有好多可能性 將來還可以選擇不同的路 你會發現旅行本身每日都多變數 你會遇到不同的人 去不同的地方 做不同的事 所有事情都有可能影響你 如果我無去那一間Hostel 我就遇不到那個走難的Syria男仔 不會聽到他的經歷 就不會改變的想法 我將來的計劃 但如果我真係無去 可能我又會遇到另一個人 WHO KNOWS？ 當然你不去獨遊 都有機會遇到一個人／一件事改變你 但我認為所有事都是Probability 呢種Probability令我對生命永遠不會悶 II）再相信世上還有很多好人 人越大越同意兩個道理： 無人有義務對你好 對你好只是Bonus；世上仆街何其多 原來係旅程中你會遇到好多人是無條件幫你 雖然好多朋友都覺得係土耳其的經歷 係驚歷多些 但Turn Out 我無事 而且他們仲帶我去了好多自己唔會去的地方 食了好多自己唔會食既野 睇到一個由佢地既眼睇到既世界 而且真心想我玩得開心 （仲有其實我唔係傻 我係一個好怕死既人 我係諗過先做既人） 除了不見銀包的經歷 我都試過係Couchsurfing 識的朋友 明明星期一要番工 都星期日3 Am 陪我搭6Hours Van仔去老遠看風㬌 再塔6Hours Van仔回家 只是驚我俾人點 又試過我係車上哭 有Local專登買左包紙巾 支水 同 Chocolate俾我 又試過識左個剛識當地人驚我Miss巴士 專登車我去車站 請相信世界是十分美好的 III）變得堅強 發現所有事情都可以解決 獨遊時所有事都是靠自己 所有問題都是自己面對 你明白你可以哭 但知道哭完都要靠自己 哭不代表你軟弱 只是你需要喘息空間 俾個心休息下 俾時間個腦冷靜下 哭完你知道 你要係自己不見了銀包之後 同HOstel講你可唔可以打住工先直到保險打救你 同Airline講可唔可俾你補水搭下一班飛機 因為你遲到了 當現在再有人話我勇敢出走 獨遊危險 我會心諗： 唔係我有勇氣出走 係我無勇氣留係到 俾社會同化好危險 當現在再有人問我得唔得 我會話 只要你想 你就得 Just Go
