去了那麼多次旅行 總共不見了兩次銀包 兩次的故事 不算驚險 但朋友都說只有你才會有這種經驗 這當然不是稱讚 背後意思都係嘲諷我不小心 死好命 第一次是在印尼的巴士上 當時要去一個Far Far Away既山上小鎮 我記得我轉左3-4次巴士 在只有印尼人的無冷氣巴士上 那些巴士就好似泥鯭巴咁 無固定路線 不斷兜來兜去招手搵客 只要在附近的Area 都可以到達 你可以隨時叫停 隨時落車 基本上除了招客那位哥哥外 所有人的身體都是在車廂內 同沙甸魚係無分別 所以大家可以想像巴士的車門係長期開住 （否則哥哥怎能大半個身在車外） 當時我企係車中心 有個男人企得好近 但我已經將我個小包包放近我身 最後他都係偷左我個銀包 飛快叫停落車 唔好問點解佢可以偷到 如果我知點解 佢就偷唔到 我當下就發現不見了銀包 但他已經走了很遠 之後成車人哄動 首先你聽到一班人唔知講緊乜野 因為印尼人10個有8個都是唔識英文 然後車上竟然有一位姐姐識講英文 仲要翻釋俾我知車上的大媽大叔說甚麼 總知大媽大叔們都係話一早都覺得那個男人可疑 Biliblala（原來無論那裏的大媽大叔講的話都是一樣） 他們見我驚惶失措的樣子竟然紛紛讓坐 我生活了2X年人 第一次有人讓坐 （所以其實普遍的印尼人都是好人）反正我都已經追不了他 而且不見的銀包只有少量現金 身份證 回鄉證 8達通 幾張信用卡 一張ATM Card 最最最好彩就是無唔見Passport 所以就繼續旅程 當然第一時間Whatsapp 朋友幫我CUT了幾張信用卡 之後就要搵警局報案 當然不是希望可以捉到那個小偷 只想要張報案紙claim保險 保險公司要2求4小時內報案 咁當到達FarFar Away小鎮 搵到間homestay 就搵警局 同Homestay有一個法國女人 她請了一個略懂英語的當地導遊 於是我就搵佢幫手 他之後陪我去了警局 點知警察哥哥話佢地無電腦 係無電腦！ 不能Print報案紙！！ 我還能說甚麼？唯有出番市區先 第二日下午我落山去到最近的一個CITY （已經過了24小時） 入到警局大叫 無人應 於是走入警員休息室 全局唯一 一位警員正在床上休閒睡覺中 張床仲要有蚊障 當時我硬著頭皮敲門 嘈醒左佢 well佢都是不識英文 佢嘗試打電話搵幫手 但都㚵告失敗 終於我搭overnight bus到Jakarta 搵左間最近Hotel的警局 Well 呢位當值警員都是不識英文 幸好排我後面要報案的姐姐識英文 （真是好多小偷 因為報案的人源源不絕） THX GOD 我去了三間警局終於成功報案！！ 佢地問得好仔細 除左事發經過 例如張ATM card係邊間銀行 詳細地址 連我做邊行都問埋 其實關咩事呢？？ 係報案時我遇到一個好大的問題 究竟回鄉證英文是咩呢？？ReturnChina Card？？ 最後警察哥哥都決定寫China ID card 點都好 最後番到香港成功Claim 足錢 佢接受無電腦無人識英文的原因 以下是報案紙Copy 正本交了結保險公司 第二次在日本熊本 這次幸運多了 當時由熊本JR站塔電車到熊本城 上車後坐在前左方的一個人座位 落車後 行去熊本城的途中 發現果然無錢一身輕 真係輕到一個點 即刻番轉頭到電車站 應該是留左係電車上 當時腦中有兩個念頭 第一 我點先可以搵番個袋 畢竟我所有貴重物品都係個袋到 最緊要有本Passport 第二 早知之前Shopping應該買埋個袋同件褸 反正D錢都是會不見 這次比印尼那次擔心多了 在電車站等電車簡直心急如焚 終於等到電車來 一上車我就搵電車司機 問題是 我不識日文 他只識英文單字 經過1,2分鐘佢終於知道我係前兩班電車（時間上是兩班）不見了東西 然後我不斷做“側咩袋”個動作 再經過1分鐘佢終於知道我不見了個袋 留意番丫 全程佢係無開車 即我一個人阻住哂全車人 如果在香港 被人＿左甘次 他開車時仲問我個袋是甚麼顏色 然後又用主機同同事溝通 講了一推日文 之後到交通局前站 （雖然只有5個站 但我就覺得過左好耐） 有一位司機哥哥企左係電車站 他同車上的司機閒聊幾句 又指一指我後 就交換了網位 原來夠鐘換班 之後司機叔叔落左車 仲叫我跟住他 到了交通局 一入到去 我就見到我個袋 另一位同事問我有無咩可以證明個袋是我 於是我就係個袋拎左本Passport 出黎 佢地就表現出一個“竟然”的表情 然後我填完一些資料 臨走前仲90度鞠躬 講左聲ありがとうございます 我好肯定如果我不是在日本 我定搵唔番個袋 如何可以不愛日本～～ 兩次都是自己不小心 但都是死好命 大家去旅行記住小心小心
