終於開放返晚市堂食啦！所以即刻約兩個好姊妹出嚟食飯。搵左一輪去邊間餐廳，最後決定揀位於荃灣浩海立方•探游館 Cube O Discovery Park 裡面既 Cube O Cafe ，因為女孩子聚餐梗係要味道與打卡並存啦！呢一間係水母餐廳，所以燈光比較暗，除左枱上既小小燭光燈，就係一個個發光既水母魚缸，牆上亦有不停轉換既動畫。一路品嗜美食，一路欣賞閃亮慢悠悠既水母，總之成件事就勁有氣氛啦！ 你會唔會以為呢啲餐廳都係食裝修，食物味道一般？梗係唔係啦！Cube O Cafe由5星級酒店行政總廚同團隊主理，食物質素絕對有信心保證啊！當晚我地試左龍蝦湯，加左芝士忌廉，香濃既龍蝦味，飲落夠晒濃郁，麵包非常脆口、 Parma Ham意粉，意粉爽滑彈牙，每一條都包住滿滿既忌廉汁，配埋火腿同蘑菇，又鹹又香，正啊！ 燒春雞，外皮香脆，內裡肉質嫩滑、伴菜係bite size 脆脆薯塊。 安格斯牛扒，我地點左7成熟，絕對係外香內軟，伴菜薯蓉令人想不斷追住食，如果可以加底就好啦！ 軟雪糕，造型非常精美，有不同主題，例如鯊魚、大咀鳥、貓頭鷹同恐龍；味道就分別有牛奶同乳酪。我就揀左最愛既鯊鯊，掂啊！ 佢既餐牌定期更改，所以唔同月份去，就可以試到唔同菜式由於餐廳內部較暗，所以餐廳好貼心咁準備埋打燈神器，等你隨時隨地都可以映到靚相！當然仲可以用黎睇Menu啦！Cube O - Journey with Seajellies (荃灣)荃灣楊屋道88號Plaza 88 8樓
