話說星期六返左公司做嘢,咁收左工就行落旺角,睇吓有咩好西食。係OpenRice上面隨便掃,最終搵到一間位於譽發廣場嘅放題,就決定去試一試!餐廳位於樓,但入𨋢時見到一樓樓層鍵隔離個招牌俾人遮住左,我心諗:唔係執左卦?係OpenRice上面,最後一個食評係10月尾架喎!呢一個月咁大變化?雖然都唔係咩奇怪嘅事⋯⋯咁我都膽粗粗照按一樓,一開𨋢門,啊!餐廳尚在!餐廳唔太多人,座位都夠寬敞舒適,侍應俾左張飛仔我地,叫我地scan QR code 落單,仲提我地要集中一部電話落單。食物選擇都算多,放題應該有嘅佢都有。 刺身有三文魚、蝦、鮑片、蟹柳棒⋯⋯感覺上都好新鮮,如果有帆立貝或者帶子就好啦 壽司有三文魚、花之戀、左口魚、三文魚加州卷、芝士炸蝦、蛋⋯⋯細細舊,唔會太飽 前菜有蟹籽沙律、麻醬雜菜沙律、螺仔、蕃茄⋯⋯ 熱食就牛柳粒、燒茄子、天婦羅、枝豆、壽喜燒、肥牛烏冬、雞軟骨、雞翼⋯⋯要吐糟一下個牛柳粒,好韌啊點擊圖片放大 小食就有芝麻波、燒菠蘿、炸榴連波波⋯⋯菠蘿同榴連波係我覺得最最最好食嘅! 飲品要自己出雪櫃拎,有可樂、雪碧、烏龍茶、維他命C飲品、蘆薈汁⋯⋯近排幫襯,仲每人送一個口罩,不過質量如何就唔知啦,暫時亦都無打算用。整體性價比都叫高,百零蚊一個人,食物種類多,幾好食,又食得飽,無出現漏單情況。係一間我會再去嘅餐廳。點擊圖片放大 +7 —————————-餐廳資料天池日式放題油麻地彌敦道558-560號譽發廣場1樓午市(星期一至四)成人:$148午市(星期五至六及公眾假期)成人:$168午市(星期一至)兒童及長者:$108任食150分鐘晚市(星期一至四)成人:$208晚市(星期五至六及公眾假期)成人:$238晚市(星期一至)兒童及長者:$168任食120分鐘