上年去完歐洲後一直心想這次旅程都係一啲大路景點，沒有什麼大不了，所以懶惰沒有寫blog記下。正值一年，面書提醒，令我又再一次回味去年旅行嘅美景，所以都係決定把呢個還在回味中嘅旅程記下。 由於L先生去年在公司得獎，獎品之一就係參加公司安排嘅倫敦incentive trip，所以頭兩天嘅旅程都係我一人而行，但卻自得其樂，十分享受。零晨機香港飛倫敦後，好彩酒店有房，可以提早check-in, 休息一陣，中午先出動。這次入住是跟上一次去倫敦同一酒店，位於Mayfair Green Park Tube Station 嘅 Hilton. 呢間Hilton 係當然貴過一般apartment, 但位置超方便，對面就係Green Park, 可以行去Buckingham Palace，仲要係附近酒店中算相宜嘅選擇，真係唔錯。唯呢間Hilton 房入面係冇雪櫃，夏天去稍有少許唔方面。 Hilton Green Park 出動第一站係去咗 Covent Garden 附近食Fish & Chips, 上網做過下功課，聽說呢間Fish & Chips 好好味，好老誌號，所以諗住去一試。去到見到個Menu, 淨係魚嘅種類都多到你唔知點揀，我叫咗個好似比較特別嘅魚款，但魚嘅質感小妹就覺得一般喇，如果有機會下次再去，要叫返個最基本個款試下先。而薯條方面，係好大條, 好似薯件攞去炸咁！ Rock & Sole Plaice - https://www.rockandsoleplaice.com/ 食完Fish & Chips 後，去咗Covent Garden旁嘅Transport Museum，入場費其實唔平，但好多嘢睇，由古代馬車，到巴士，火車嘅由來同演變都有介紹，好啱同小朋友去。原來係巴士/火車車身到賣廣告都係英國人發起先，仲有好耐歷史添！ London Transport Museum - https://www.ltmuseum.co.uk/ 除咗transport museum 外, 今次仲去咗另一個同transport 有關嘅museum - The Royal Mews. 其實我一直都好想去事頭婆屋企參觀，但兩次去都就唔啱時間，未開放(事頭婆屋企要係大約7月，佢去皇室堡渡假先會開放俾公眾參觀)，所以就去咗睇皇家馬車。Royal Mews 位於Buckingham Palace 旁，都好易搵。買票入場後可以拿Audio Guide, 會為你介紹每一部馬車嘅特點同有咩人坐過，每一部都美輪美奐，有時仲可以見到身型好fit 嘅royal horse。除咗展出馬車車身外，仲會介紹所有equipment 嘅製作, 如馬鞍等等。個人覺得都幾值得去參觀下，又或者可以FF 下坐咗係royal wedding 嘅馬車上 :P Royal Mews - https://www.royalcollection.org.uk/visit/royalmews 行完Royal Mews, 帶咗Pooh 去Tower Bridge! 一個人遊London嘅時間，又點會少得Shopping 呢！Harrods呢啲例牌嘢就不用多講，其實我一個人都係Harrods 浦咗2個鐘，哈哈！另外今次仲去咗行一條好好行嘅步行街- Carnaby Street. Carnaby 位於Oxford Circus 附近，所以好方便！仲係Carnaby Street 到唔覺意搵到間食potato mash同肉腸好好味嘅舖頭，仲好啱獨L添！如果再去London 都好想再去食多次。 Mother Mash - http://www.mothermash.co.uk/ 除咗呢間無意中發現嘅薯蓉店外，呢次London trip 仲食咗唔少好西，包括Burger & Lobster，去Borough Market 掃街等等！ Burger & Lobster - https://www.burgerandlobster.com/en 除此之外，我等Tea精去到London 又點會錯過係London 食Afternoon Tea 嘅機會呢！這次我哋就選擇咗呢個集觀光及afternoon tea 於一身嘅 Afternoon Tea Bus Tour. 一年前呢個Tea 係超級受歡迎，要好早上網去book, 如果要坐車頭的話，個價錢仲要貴啲添！(兩個人去，坐車頭就唔駛對面坐啲3唔識7嘅人)。其實呢趟London Bus Afternoon Tea 都真係幾貴，冇記錯要每人GBP55，但呢個體驗可以滿足既想坐懷舊London Bus, 又相試下食Tea 的之味，不過呢個tea 嘅質素，當然冇得同大酒店嘅tea 相比啦! London Bus Afternoon Tea - https://london.b-bakery.com/afternoon-tea-london/afternoon-tea-bus-london-tour/
