是咁的，啱啱尋日有單 bb 喺九龍城比人當街搶走既個案，頓時覺得香港都唔係幾安全... 安全呢家野都係每個travellers會擔心 不過最最最擔心既唔係你自己，係你身邊既屋企人/朋友/男朋友/女朋友.. 一同佢地講：「我黎緊會去 xxx 旅行呀」(要淡淡然咁講 XP) 佢地既第一個回覆：「你又一個人去呀？呢個地方安唔安全架？(已經下刪一萬字..)」 講真，其實做足準備工夫，個人提高安全意識，一般既solo travel都係ok架.. 同大家share下solo travel既安全小貼士 (安全係指人生安全，同埋旅途中唔好比人呃！) 出發前 1. 將身份證明文件同護照印定幾個副本，就算唔見咗都可以有個底，at least証明到你唔係illegal immigrants! 2. 揀間有信譽既網頁訂機票、火車、住宿，尤其係local tours! 至少知道有無呃人，行程安排係咪妥當，最好係旅遊書介紹兼睇blogs/forums 既comments 3. 中國大使館既電話點都要記低..話曬之前泰國紅衫軍單野保安局都好遲先派人黎救濟香港人..當多個渠道囉..(記得帶埋回鄉證喎) 4. 使用香港政府既外遊提示登記服務..有事都大概locate到你喺邊..hmmmm..不過我無用過.. 旅途中 5. 記住記住，證件任何情況下要跟身..好似好廢..但見唔少真實個案！ 6. 最好朝早/下午就到達新地方，入夜 (睇國家) 就盡早返guesthouse 7. 通常會帶定本sketch book或者釘定一疊紙，用黎講價或截車用，寫明價錢，最緊要係個單位..試過爭啲喺印度同埃及比人呃！無得拗數！ 8. 搭的士/篤篤/包車，最好落曬車先比錢..有咩都至少唔會車你去第二度，困獸鬥！ 9. 如果街上有警察走埋黎要check你passport，都要扮無正本喺身，比個副本佢睇得喇..點知佢地係咪警察呢..我又喺印度曾經遇過假警察！ 10. 唔好幫人睇/拎袋，曾經有新聞報導指有旅客比人trap，話佢犯毒..事態嚴重.. 11. 都唔好比人拎袋(主要係落後地方)..會比人老屈錢...佢地會認為係服務費/小費 LOL 12. 夠膽say no...覺得有懷疑/唔肯定/唔comfortable既野，just say no! 不斷儲經驗中... 放心放心，我都無穿無爛咁返咗黎..哈哈哈... 有用資料： 外遊提示登記服務 http://www.gov.hk/tc/residents/immigration/outsidehk/roti.htm 為在中國境外的香港居民提供的協助 http://www.gov.hk/tc/residents/immigration/outsidehk/assisttravel.htm
