食完之後上網睇返，原來Babbo Trattoria嘅大廚係台灣人。所以雖然係意大利菜但食物都幾有台灣風味。 間餐廳就喺Time Square附近上樓，都幾方便幾易搵，一出lift就係。 由於去嗰晚有落雨，所以去到餐廳就問侍應有無得擺遮，侍應嘅反應明顯係無準備，好彩經理醒目即刻接左把遮，之後再叫人拎個遮架出尼。餐廳新開業唔係好耐，侍應就唔係好熟手，不過都幾熱情，會全部人用Italian講Welcome！ (去嘅時候六點幾好空，但其實全晚都係得三兩個人尼食野，淨係坐滿三分一，不過相信係新開啫！) 餐廳無tap water提供，只可以叫飲品或者樽裝水 (HKD 40 一枝 750ml) Appetizer都幾多選擇，有冷盤、熱盤。 Roast Potato (HKD 68)：啲薯角焗得啱啱好，個外皮幾脆幾好食，但食落啲薯仔味俾啲鹽味蓋過左，味道一般。 本身想試食Parma Ham and Cheese，因為只要芝士同Pamma Ham材料靚就會好食，所以無叫到。不過後來見其他人叫，侍應會好認真咁搬一大磚芝士出尼，真係好大磚，再喺你面前慢慢割啲芝士碎出尼放喺上面，都整得幾有誠意。 (題外話：本人鍾意食Parma Ham and Honeydew Melon多啲haha) 主菜有Risotto、Pasta、Pizza。 Mushroom ＆ Prawn Risotto （HKD 178)：Risotto個飯底本身比較乾身，咬落唔會太唸，做得好好，侍應仲行埋尼提我地震快啲食，因為擺耐左收晒啲汁就會變硬，而且仲幫我地將啲芝士碎同飯撈埋，好細心。芝士溶左落個飯度之後配合埋啲蘑菇好新鮮，個味道好好！唯獨係啲蝦係連殼嘅，食嘅時候好唔方便，不過蝦食落都幾鮮幾好味。 Roasted Chicken Pizza (HKD 168)：Pizza食落芝士味好濃，雞肉唔算太多。個Pizza底做得幾好食，個邊都好堅韌，一啲都唔硬。 Babbo Trattoria 銅鑼灣羅素街2-4號二千年廣場5樓 2606 1288 Monday - Sunday ：1200-2330 (消費：HKD 5xx for two)
