日前到銅鑼灣哩間名 Eat.it 嘅意大利餐廳。 特別之處在於佢係自助嘅，但就唔係好似自助餐咁收費，係客人自己攞完食物之後再逐樣食物按價錢收費的。雖然位於銅鑼灣，但這家餐廳卻一D都唔容易搵，係名店坊後面嗰條街轉左十幾分鐘，打算放棄的時侯，終於發現原來間餐廳就係正Pacific Coffee後面，只要行入Pacific Coffee之後再一直向前走大概廿步就到喇！ 餐廳設有室內和室外嘅座位，客人拎左食物後就可以自己選擇座位。如果坐室內的話，客人可以係吃完走嘅時候再付錢，但坐室外的話就要先付錢才能享用食物。 餐廳分有 Dessert，Focaccia (Pizza)，Appetizer (salad)，Pasta，Fried Food，飲品嘅食物區域，收銀處分別設於前後嘅兩個出入口，中間有幾個位置放有餐具，調味料供客人自取，唯獨沒有餐巾提供。 Pizza －Tuna (HKD44) Pumpkin ＆ Speck (HKD 36) Rustics (HKD 36) 甜品menu：Tiramisu，Chocolate Foundant，Apple Crumble，Creme Brulee，etc 仲有homemade嘅gelato ice-cream!! Chocolate Budding (HKD 4x-5x) －蛋糕嘅質地好特別，有D似布甸，有D似mousse，口感好厚實，好食 Chocolate Foundant Cake (HKD 4x)- 外層嘅朱古力蛋糕質地好似brownies咁，朱古力味好濃！可惜入面嘅朱古力醬太稀，好似水感，無咩口感... 黑松露炸芝士 (HKD 98) －芝士係用成磚mozarella炸出尼嘅，炸到入面半溶但外皮仲好脆好乾身，食落唔覺油膩。反而係個黑松露醬唔太特別但就令到個價錢貴好多！ 張卡係一開始派俾你嘅，攞食物嘅時候只要用張卡拍一拍就可以記低你拎左咩嘢食咖喇。而部機就係你order食物之後俾你嘅，嘢食準備好之後你再去攞，咁就唔洗企係度等喇！ EAT.it Italy Eatery 銅鑼灣 京士頓街9號嘉賓大廈地下1號舖 Number : 2489 8822 Monday - Sunday : 1130-2230
