黑 - 麻糬芝麻烏龍鮮奶茶，建議甜度50%，飲落唔會太甜，加上芝麻香味，同帶烏龍茶茶香，味道平均亦易令人接受。用鮮奶溝烏龍茶比平時的奶茶更滑，但味道唔會過濃，加上有煙韌的麻糬增加口感，好似飲緊中式芝麻湯丸糖水。 焦糖芝士 濃香鐵觀音茶，先入口是帶有焦糖香甜味的芝士奶蓋，咸中帶甜又綿又滑，比一般奶蓋多份焦糖香，好特別。 再來是鐵觀音茶，味道清香輕盈，而且我地揀左建議甜度0%，無糖所以更飲到鐵觀音茶味，飲完不膩的好選擇。 岩鹽蜂蜜抹茶蛋糕，店員會加熱再給客人，可以食到暖暖的蛋糕，見蜂蜜都微焦溶化。 蛋糕好厚身，超級鬆軟有彈性，所以口感極好，而且抹茶味濃郁，唔會太甜，配岩鹽提味的蜂蜜味，咸甜交雜的美味。
