是日餐湯係蕃茄湯，有濃郁蕃茄味，微酸開胃，飲落帶少少辣，清爽唔膩，仲有好多蕃茄肉。 all day breakfast 全日早餐，有炒蛋、煙肉、雞肉腸、茄汁豆、薯餅、田園沙律、牛角包，可惜當日牛角包已售罄，轉了牛油多士。 先大讚炒蛋，超級嫩滑，又有蛋香，份量仲幾多，配多士食都好正。煙肉一大塊，唔算油膩亦不太咸，有煙肉香。田園沙律加左醋汁，蔬菜新鮮爽脆好清新，份量再多會更好。 雞肉腸有2條好夠食，微煎過，腸皮脆口多肉汁。茄汁豆係常溫，加熱會更吸引。薯餅就熱辣辣好香脆，加茄汁真係食唔停口。 整個全日早餐都份量足，食完好full好正。 士多啤梨蛋糕，價錢少少偏貴，但味道係好，睇落好有homemade 感覺，原味蛋糕好鬆軟唔乾，士多啤梨cresm滑溜細膩，份量比例剛剛好，甜度亦唔算高，係個輕盈美味的甜品。 抹茶牛奶係好抵飲，大大杯微暖，夏日都岩飲，拉花賣相吸晴，抹茶味濃重，帶牛奶香、純、滑，味道好平衡，而且唔甜，男女都會一飲愛上。
