韓國炸雞真係令人又愛又恨, 好食但真係好熱氣 食完真係9成會喉嚨痛… 聞說這間韓式烤雞滋味得來唔熱氣, 一於嚟就試吓啦~ 餐廳位處銅鑼灣開平道的一楝大廈樓上, 呢邉好像人流較少喔 真係識搵食先會專登起嚟呢邊~ 晚上8點嚟到, 有幾枱客人, 環境幾優靜~ 呢度既烤雞同pizza特別在係用意大利火山岩焗爐以300-400度烤製能令食材平均熟透而不流失本身味道烤雞更係不經油炸, 食得健康 烤雞都有好多款選擇, 多人嚟就可以試多幾款喇~ 我哋二人點咗premium chicken既蒜香蔬菜烤雞$208食咁多肉之餘都要食番多啲菜平衡番架~另外仲有一小碟酸蘿蔔醒吓胃 雞皮唔同炸雞炸到啲皮硬屈屈, 而係軟腍腍好香口~ 肉質鮮嫩剛好熟透，沾上惹味醬汁更加好食 我哋仲點咗韓式什錦魚蛋湯$178 有魚蛋之餘仲有金菇同雞蛋等配料 呢塊魚片又似魚糕嘅好大塊，夠爽口～唔咪食落得個粉字嗰種 另外幾款有餡嘅都唔錯 而熱湯都好好飲，唔覺有味精，飲完都冇口渴 食烤雞就想飲吓嘢，其中有有酒精同無酒精飲品選擇 我哋一人一杯，左邊係無酒藍莓桑格利亞$98（S)右邊係無酒荔枝桑格利亞 $98（S)藍莓嗰杯似提子汽水，荔枝嗰杯就有啲似雜果汽水，兩杯都幾好飲 差唔多食完以為咁夜會冇乜人嚟啦！點知都仲有人嚟喎～真係推介呢間俾鐘意食韓式炸雞但又怕熱氣嘅人~ The Hwaduk 銅鑼灣開平道1號Cubus 21樓 28118821 星期一至日12:00-15:00 18:00-23:30 ♥Follow me♥ Facebook Instagram WEAR ♥Contact me♥ bbmosquito@gmail.com ♥My Blogs♥ Blogspot theZtyle Beauty Exchange She.com Weshare U Blog Cosmopolitan Blog
