相信愛旅行的人都跟我一樣，得閒無事做又好，忙又好，都會樂此不疲的上網搜刮平機票。老闆形容為屎忽痕。 那次剛好遇上平機票，就跟家人和老闆去泰國清邁4天，休息、做spa兼睇動物。 我這個動物狂立志要和全世界各種動物合照！ 這次於Chiang Mai Zoo和長頸鹿合照，可算是得來不易，冒著被滴得一頭長頸鹿口水的風險，還要默默忍受著我媽和老闆的「調教」。事緣是： 老闆：埋啲啦！同動物影唔可以驚！同動物影你要好定，動物要捉㗎！ 媽：嘩！好大滴口水啊！隻長頸鹿不停流口水。(指著我)嘩嘩嘩，流落你個頭度啊！ (我回頭望長頸鹿，心想長頸鹿先生你唔好流口水啊，口水好大滴) 老闆：又郁！我都叫你唔好郁囉！又要驚又要影！同動物影你首先要唔驚佢。。。(下刪一大段影相學問) 媽：真係渣，長頸鹿都驚！（繼而轉身走人） 我：。。。。 冤枉啊法官大人。相信我要企定定，乖乖的被長頸鹿口水照頭淋先叫勇敢。經過老闆和我媽媽的一番「調教」下，終於有一張非常得意的合照！好開心，我的animal collection又增加了新成員。
