人越接近踏出社會，越容易想到工作和職業，越容易想到以後想到迷路。或者一切來得太早，或者都是時候？想起自己一直以來接觸的工作，從以後又回到了以前。思緒開始亂走，師生的緣份，總離不開一種結局。 ＿＿＿＿＿＿＿＿＿＿＿＿＿＿＿＿＿ 在新畫室任教數星期後…… 言：「係咪畫埋就畫完嫁啦？畫完可唔可以玩一陣呀？」 我：「唔得喎，你啲公仔穿窿嘅 :evil: 」 言：「黎啦，乖啦Miss BB :-D (拍頭)」 ＊ ＊ ＊ 一個月後…… 我：「樂兒、樂言，我地今日有新同學呀 ;-) 」 言：「我唔制呀，我要霸住你！Miss BB係我嫁 :evil: (攬實)」 軒進來。 言：「(看著軒 :-x ,指著角落的位置)你坐個邊啦，我要同Miss Fong坐呀 :-? Miss坐我隔離啦！」 言：「喂呀， Miss呀，你淨係掛住理呀妹，呀妹識嫁啦，我唔識呀，快啲教我啦！」 ＊ ＊ ＊ 數月後…… 林太：「方老師呀，星期六上晝你得唔得呀？如果樂兒樂言早啲學係咪你教嫁？」 我：「平時上晝係其他老師負責，可能要問返張老師，要睇畫室安排呀。」 言：「你教啦～ :cry: 我鐘意你教呀！ :cry: 」 我：「你都唔乖，我鐘意樂兒唔鐘意你呀 :-P 」 言：「 :-| :-( :cry: 」 ＿＿＿＿＿＿＿＿＿＿＿＿＿＿＿＿＿ 那年初，補習社轉手後的數月…… Miss Chan：「你唔教啦？好可惜喎，你都走埋啲學生咪好慘囉？」 我：「嗯，新Miss係一個商人，唔係一個老師，我夾唔黎呀。其實啲舊生都走得七七八八，係唔捨得樂怡……」 Miss Chan:「如果你唔怕遠不如返黎幫我教啦？不過黃大仙個邊啲學生就無咁乖……」 ＊ ＊ ＊ 剛到黃大仙…… 出名難搞的小一女生羲儀：「我唔要呀，我淨係要Joyce教:’(（扭計大喊）」 後來…… Miss Chan：「Miss Fong，羲儀話想跟你呀，佢唔乖就話比我知！」 半年後…… 詠恩：「Miss BB你唔教拿？」 我：「唔係呀，邊個話你知嫁？」 芝芝:「我啱啱聽到你同Miss Chan講嘅！」 穎欣：「我要你電話！」 我：「唔制！」 ＊ ＊ ＊ 社區中心的暑期班，那小六的妹妺、學校的興趣班、補習的學生、還有那同月同日生的妹妹……答應過一些小孩，離開過一些小孩，辜負過一些小心意。就算免不了一點欷歔，但人生就是來來去去，或者，兩邊都沒有太上心，或者，這不過是常態。 ＿＿＿＿＿＿＿＿＿＿＿＿＿＿＿＿＿ 在新畫室第一堂，我看著甫走進畫室的小男孩…… 我：「咦，咁熟口面嘅，你係…林樂……」 言：「林樂言呀！」 我：「吖！我知啦，你讀聖嘉諾撒嘅！畫叮噹畫到水浸個個！！！」 言：「係呀，你點知嘅？！吖吖吖吖吖吖，方老師！！！」 到新畫室第二個星期…… 言(Show off咁款)：「妹妹呀，你知唔知Miss Fong以前就教我嫁啦！」 言：「媽咪呀，Miss Fong小一係學校教過我嫁！ ＿＿＿＿＿＿＿＿＿＿＿＿＿＿＿＿＿ 聽我喊出每個小孩的名字，同事：「你記得晒佢地啲名嫁？」 我笑了笑，說：「唔記得嫁，但每堂一開始我會再記一次。」 ＊ ＊ ＊ 從不習慣性到慢慢適應了這種循環，緣起、緣落，從甚麼時候竟懂得了有一種關係叫做──只能陪你走一程。緣當盡時都要結束，但或者，或者，或者在我們再見時，我還會記得你的姓名，而你也認得我。 站在展覽會場，冬風迎面襲來。一個小女孩跟母親走過我面前，她停下來，目不轉睛的看著我，而我也望著她。 我往前走：「哈囉，廖羲儀 ;-) (摸頭)」 「方老師。 :-D （微笑）」 ＊ ＊ ＊ 老師，我知道，人生，許多時都是這樣，並不限於師生關係，而你也，只能陪我，走一程。 迷惘只是一段過渡，停滯是為攀上下一個高峰做的準備── 或者我總達不到你們的期望，但每當我深陷迷途，我會想起你對我說過的每一句訓言。每一句訓言一直在引領小妮子的每一步。於是，我不再怕迷路。毛蟲破桶，用不著沉淪，卻需要蛻變。
