ALOHA～小思子最近忙於考試，無乜時間寫blog添......不過就等我嚟個11月嘅第一彈！ 相信我，今次已經做好曬準備，有曬所有食物，玩物嘅價錢！ ❤️DAY 1 小思子落機嘅時間係大約18:30，由機場出發到酒店直接攞房同擺行李。 飛機餐，哈哈哈哈！幾好味 而我住嘅酒店就叫做Boss Hotel CG2 --> EW4 (轉車) --> EW11 (B出口) 一上電動樓梯，直行會經過一個巴士站，Lavender Estate/Village。。（好似係） 就會見到依棟大廈——Boss Hotel！步行只需2分鐘，超近DERRR！ 酒店內設計是咁的： 小思子Check-in當晚未算多人，到左第二朝起身落街搵食嘅時候先誇張，好多旅行團＋散客，都幾多外國人嚟Boss Hotel住。 大家都見到架啦，除左有分Block A，Block B，仲有一個接送巴士/的士嘅後門，沿住左手邊嘅路行都有手信店同搵食嘅鋪頭！ 房間內： 小思子覺得風格時尚得嚟都好整潔！廁所都好乾淨，舒服嘅感覺。 介紹完房間，依家可以開始正式展開小思子嘅新加玻之吃貨團！ NUMBER 1 有咩係方便得過酒店樓下有間24小時，無錯，大家無眼花，係24小時，24小時營業嘅Food court？ 酒店近地鐵站同樓下已經有全日營業嘅food court都不在話下， 最重要嘅係地鐵站一出右手邊已經有food court AGAIN！！！已經有兩個food court，仲要隔離都有好多食店。 都幾難肚餓 ⭐️⭐️⭐️不過呢，可能當地人已經習慣左，但嘆慣冷氣嘅香港人就一定唔慣......Food court係無冷氣架！事關小思子當時係8月尾去，仲暑假緊.....入到去真係搵陣風都無，所以一定一定一定要帶電風扇！ 溫馨提示完，即刻介紹吃貨第二站NUMBER 2 ——The Supertree EW11 --> DT14 Bugis --> DT 16 B出口 Bayfront 濱海花園 Supertree Bar 價錢：成人＝S$18，小童＝S$10 上面天台bar嘅環境好幽靜，唔算大風，吹得好舒服！見到金沙夜景同海景，望清楚12棵supertrees，大滿足！ 去完酒吧都差唔多10點鐘，費時周圍去又無車走嘅緣故，小思子都係返地鐵站隔離嘅Food court試下。 整體嚟講食物質素唔差，衛生環境就較差，一嚟無冷氣，二嚟有烏蠅，食都食得唔自在。 小思子Day 1嘅行程就去到依度！ ❤️Day 2 NUMBER 3 Chinatown牛車水 EW11 --> DT14 --> DT19 A出口 由A出口經過好多紀念品店，飾物店，服裝店，林林總總嘅街邊檔，就有似曾相識嘅感覺！就好似香港花園街，西洋菜街咁！乜都有得買，價錢都算平！ 而小思子嘅第一餐就去食新加玻著名傳統小食，梗係食亞坤咖央牛車水總店。 A出口一直走，直到街尾見到牛車水牌坊，轉左行，過幾條馬路就到架啦！ 叫左兩set＋一個散叫 S$4.8 set 當地店員大部份識廣東話，無需用英文/普通話溝通！超有親切感 D吐司全部都好好味！！！！！店員仲好好咁教我地正宗食法。 1. 加少少豉油落碗蛋度 2.用匙羹撈混佢 3.點d吐司食 奶茶都好好飲，比咖啡好飲。而一粒粒果個French Toast就麻麻地好食。 食完之後就經過依度去NUMBER5老巴剎廣場，再食過 由亞坤出發 --> cross street --> robinson street 話咁快就一個下午，依個放飯嘅時間，老巴剎廣場變得擁擠，好多打工仔都嚟食飯，加上廣場附近四周都係商業大廈，自然就會去最近食野嘅地方埋手。 小思子知道food court 無冷氣，得風扇，就特登揀個位係坐正風位，舒舒服服咁嘆！ 最後買左兩碗喇沙 S$3.5,一杯仙草冰 S$2.4,一碗麼麼喳喳S$2.9 。 依間就係買喇沙嘅鋪頭，時間一耐就大排長龍。 食完之後就返翻去牛車水大街，睇返d飾物 之後就去唐城坊買後一日去聖淘沙同即日坐Army Duck嘅門票！ 天宇旅遊就係小思子知道最抵嘅當地埋票嘅旅遊團。 Army Duck天宇特別價成人S$27 (原價S$37)，3-12歲小童S$21 (原價S$27） 聖淘沙：斜坡滑車＋空中吊椅S$11(set)，高空滑索+落傘降落S$42(set)。以上都係大小同價！ 留意返啦，玩高空滑索果set有體重限制！30-120公斤先可以玩架！可能小朋友就玩唔到啦！ 之後又有係附近搵到間廟 軟綿綿，甜甜的，味道還可以！ 好啦！買完飛就前往NUMBER6 Suntec City出發，因為Duck Tour會係果度開出！小思子就好懵咁出錯出口，白兜左一轉！小思子睇錯站，出錯CC3，實際上係DT15。 好好彩有Google Map嘅幫助，其實相隔一個站嘅距離都好近！ 不過，更好彩嘅係我地係Suntec city門口前遇到一個好熱心嘅新加玻男人，見到小思子望住個手機都唔識行個時候就走嚟為小思子帶路。 講真，原來前往Duck Tour段路真係一般遊客係比較難搵，衷心感謝果位好心人！ DALLA！落水果刻！ 見到金沙同魚尾獅日景。期間個導遊會同遊客們傾計，氣氛輕鬆。 坐完大約1個鐘嘅船仔，小思子梗係要係Suntec City食返d野。圖中為芝士撻同伯爵芝士撻 熱d嘅話都應該會好食d，可惜就係一般暖，甚至凍左！ 結果晚上就去左另一個food court食晚餐！極之豐富，仲可以初嚐當地著名嘅老伴豆花！ 老伴豆花唔係成日都見到有，所以小思子巧合地一見到就即刻停低食左先！ 不過呢，個豆花就唔係我地香港成日食到果種味，小思子就食唔慣嘅，當然覺得無咁好食，甚至有點兒怪怪的，不過一場嚟到，梗係唔好蝕，試左先算！ 而基於當日d食店就關門，所以就好好咁豪氣地比曬d多餘餸我地，食到捧住個肚走！人情味爆棚 最後食完就去NUMBER7 魚尾獅廣場，睇夜景 DT19 --> NS24 (red line) --> NS26 最最最最後啦，就返歸休息咯！ Day2行程豐富緊密，之後嘅思加新加玻之旅陸續有嚟，希望大家繼續支持！
