前排睇過泰國廚師整嘅咖哩，尋日無啦啦打風，終於有時間update新嘢~材料：雞半隻 / 薯仔1個 / 三色椒 / 南薑 / 蒜頭 / 蔥頭 / 花椒 / 八角 / 桂皮 / 咖哩粉 / 咖喱醬 / 小茴香 / 洋蔥 / 芫茜頭 / 椰汁(半罐) / 檸檬葉做法：雞切件洗淨後，以少許鹽拌勻，再以粟粉、砂糖、豉油及油略醃1小時。先將雞件撲上粟粉走油，薯仔切件後半煎炸至金黃色，備用。以白鑊細火微微爆香花椒、八角、桂皮、小茴香、咖哩粉，之後落油，再爆香南薑、蒜頭、蔥頭、咖哩醬及芫茜頭，加入少少熱水，再加入薯仔煮至淋身。加入雞件，最後加入椰汁，以鹽及蠔油調味，完成。先以鹽略醃雞肉，可以令雞件滑身。切好薯仔後放水內浸約15分鐘，可排出澱粉質，煎香至金黃色，可避免變成一pat pat。
