點擊圖片放大 +3 其實我好鍾意食菜飯,因為味道唔寡,咸咸香香,不過小心唔覺意會食多咗飯。但呢排日日夜夜屋企食,偶而一餐半餐變化吓都唔錯。自己整,冇落豬油健康啲。材料:菜飯:白飯 / 小棠菜(約3棵) / 金華火腿1片津白 / 牛奶 / 淡忌廉 / 豬扒做法:白米洗淨,直接將金華火腿放飯面蒸。(可以將火腿油份及香味滲入飯內)將薑切成適量薑米,落油炒香,加入已切碎的小棠菜略炒半分鐘,以清菜青味。飯好,金華火腿蒸熟後取出切粒。再將金華火腿及小棠菜放入白飯內拌勻。豬扒以胡椒粉、五香粉、砂糖、粟粉、豉油及油醃好。煎時撲少許粟粉煎香。津白一開八,洗淨。爆香蒜蓉,落鹽,略炒香津白,加入熱水,煮至軟身,加入少許牛奶及淡忌廉,完成。(按個人喜好可加入金華火腿粒或杞子裝飾)