疫情第三波,除咗工作之餘,就係留喺屋企。好彩細個跟得媽咪多,每逢星期六日就去街市入貨,教我買齊四五晚嘅餸,放工就唔使咁頻撲,今日下午就整咗個乾炒牛河。材料:牛肉 / 菜心 / 雞蛋1隻 / 河粉1斤 / 蔥頭蒜頭及蔥段心得:河粉切忌放入雪櫃(因會碎晒),如過夜須放室溫包好。臨煮前,倒入約1湯匙雞蛋拌勻,用易潔鑊炒,以免痴底。做法:先以豉油、砂糖、粟粉及油略醃牛肉。雞蛋拂好,煎成薄片及切絲。炒好菜心,備用。爆香蔥頭蒜頭,以大火炒起牛肉至7-8成熟,備用。以大火爆香蔥頭蒜頭,將河粉落鑊,用筷子炒河粉,加入少許鹽、豉油及老抽,再加入牛肉、蔥段及蛋絲,再加入水份及蠔油,拌勻,完成。