幾年前嘅社會運動過後，加上香港地鋪租金昂貴，嗰間旺角鋪頭已消失。好懷念嗰種味道，偶而喺屋企都會整呢款菜式，但都係有少少唔同，但成本超平，佢哋係用雞翼單邊去骨，我就只需一塊雞扒。 做法： 雞扒解凍後切件，以鹽、糖、胡椒粉、豉油、粟粉及油醃約30分鐘左右。 先半煎炸雞扒，瀝乾油份。爆香蒜片，加入雞塊，於鑊邊灒少許豉油，加入糖漿及七味粉，快手兜均，再灒少許鮮醬油。 熄火，加入麻油及百里香，完成。
