超鍾意孜然粉嘅味道~ 話說嗰日買酸菜魚材料，諗住買豬肚，咁啱俾我見倒急凍豬仔肶，二話不說就仿照某飯店嘅孜然豬仔肶，以後可以自己整，做法超簡單，又多一味菜式喇~ 做法： 豬仔肶放凍水滾起出水，洗淨瀝乾。 以少許砂糖、孜然粉、胡椒粉、豉油、粟粉及油，醃約幾小時。 燒熱油，豬仔肶撲少許粟粉，以中火炸至金黃色，瀝起。 爆香蒜蓉，加入孜然粉、花椒粉、砂糖及炸蒜蓉，再兜入豬仔肶。上碟後再灑上孜然粉，完成。
