有唔少人投訴同男友去旅行，對方唔幫手plan行程，問佢俾意見就話：「你鍾意啦！」未出發就成肚氣，有時真係寧願自己去。不過偶然都有例外，話說我個女仔friend之前在facebook分享咗件事，恨死我同班姊妹。 是咁的，個女仔friend同佢老公去旅行，出發前佢都未知去邊玩，由買機票、訂酒店、plan行程到執行李都係佢老公一手包辦，疊埋心水放假去玩！（聽講係去咗日本）去旅行已經夠開心，仲要有人打點好一切，小至行李都準備埋，呢份浪漫比送禮更有驚喜。 執行李聽落好簡單，但幫女仔執的話，除左衫褲鞋襪，有幾件物品是非帶不可的。以下10件你可能不知道要帶的女生旅行恩物，你中了幾多件？ Facebook – http://www.facebook.com/iamtravelqueen Instagram – http://instagram.com/iamwaitingxx 1. 毛公仔 好多女生都喜歡帶毛公仔去旅行，睡覺更有安全感，好似係。 2. 慣用的護膚品 細心的話可以將護膚品倒落樽，最好加多塊面膜，去旅行都要扮靚靚。 3. 衛生用品 旅行時撞正姨媽到，外國牌子又未必合適，帶一些慣用的衛生用品就玩得更安心。 4. 藥物 有次去大堡礁潛水暈足半日，風景幾靚都無心機睇。若打算帶女友出海，帶暈浪丸以備不時之需。另外，我習慣每次去旅行都帶傷風、腸胃藥看門口。 5. 暖包 / 芭蕉扇 去凍的地方帶多幾個暖包；去熱的地方不想女友熱到發脾氣，是芭蕉扇出動的時候。 6. 耳塞 / 眼罩 未必好多人有用耳塞、眼罩的習慣，若酒店隔音差睡不好，睡眠法寶可能幫到手。 7. 直曲髮夾 身邊好多女性朋友，不論長髮、短髮，睡醒頭髮翹起就得洗頭、吹頭再夾直才出門，曲髮就更花時間了。 8. 化妝品 就算不帶整套化妝品，遮瑕膏和眼線筆也不能少，對女生來說，化妝品就像護照般重要。 9. 自拍神器 好多女生成日嫌男友拍照拍得不好看，有自拍神器幫手，影靚相無難度。 10. 零食 雖然外地都買得到，帶點零食去，如朱古力、香口膠，肚餓時可充飢一下。 - 「一次旅程，讓我沾上了旅行的毒癮。我，一個八十後香港女生，沒有偉大成就，卻沒有遺忘夢想。」 吳煒婷，《我是旅皇》博客及專欄作者，文章同時刊登雅虎旅遊、881903.com 商業電台、GOtrip、U Lifestyle 等旅遊平台。八十後香港女生，大學主修酒店及旅遊管理。曾經參加澳洲打工度假、英國打工換宿、沙發衝浪及 WWOOF，先後走遍了亞洲、大洋洲、歐洲和美洲超過二十個國家，夢想擁有自己的背包旅館。 遊記︱生活｜照片 Facebook – http://www.facebook.com/iamtravelqueen Blog – http://www.iamtravelqueen.com/ Instagram – http://instagram.com/iamwaitingxx 旅遊諮詢｜心得交流｜合作機會 Email – iamtravelqueen@hotmail.com
