我係從來冇耳珠發炎，先喺到分享穿耳經驗！第一次穿耳係中二，果時我阿媽帶左我去Mabelle穿耳，喺果到買左對耳環 ，都幾貴，成450蚊（包穿耳），但我覺得唔值！果次係用槍穿嘅，果個人首先用酒精棉清潔左我嘅耳珠，之後佢就開始穿，佢將枝槍對左落我嘅耳珠到，第一下「啪」，我以為搞掂一隻，鬆左一口氣，點知原來係先固定位置，第二下「啪」先係真正穿左。雖然第一次係好驚，但其實唔太痛，跟住第二隻我都唔太驚。不過果個人穿我隻左耳嘅時候，向下斜左，搞到我戴左穿耳過隻耳環一個月多D左右，霖住換新買嘅耳環，隻左耳搵左好耐都吉唔到落後面嘅洞。另外，我喺網上見到有人話一兩日就可以換耳針（唔係一定唔得，但我覺得唔好咁心急好D），話最多發炎wo。但我有三個同學就係兩日就換左耳針返學，第三日發炎，成隻耳珠發到踵曬，重話好痛；另外，我嘅BFF之前穿過兩次耳，都因爲太心急換耳針，發炎埋左口，到第三次，我同佢一齊穿耳，再三吩咐佢，打電話比佢提佢，先冇發炎！！ 我陪BFF穿耳果次，我本來冇霖過自己都會穿。我地呢次去左南豐嘅一間穿耳（南豐2／F有間好大，專賣純銀耳環嘅舖頭，出面果間counter仔，應該會係一個四五十歲嘅男人穿嘅），我去果間係因為我地班有好多人都係喺果到穿耳，同埋25蚊一隻（包耳環）。其實首先係BFF穿兩邊耳珠，佢好驚，捉到我隻手好痛，同mabelle差唔多，成個過程都係三分鐘以內。佢穿完，我就心郁郁想穿，我又真係咁大膽就同嘅師傅講我想喺左耳嘅耳珠再穿一個，「啪」一聲就搞掂！冇發炎，1 take過搞掂。 其實d人話穿耳好痛，好多時真係心理因素，只要你搵個你信得過陪你，分散下你嘅注意力就OK架喇！！！ 最後，如果你睇曬呢篇文想去穿耳，我有幾個建議 上網search下近你自己，有人推介嘅舖頭，唔係貴一定好，唔係平一定差 穿完耳頭果4-7日儘量唔好食肉，海鮮（除左有磷魚，䱽魚呢d唔好食！！）（會冇咁容易發炎，我果時戒左7日口。冇耳珠發炎！） 穿完耳頭一兩日，儘量平訓，如果唔係可能會痛 其實最好冬天穿耳，會因為冇咁潮濕，冇咁容易發炎。但如果學校唔比帶耳環，就暑假穿 未換耳環之前，佢應該會比一枝細細枝，好似眼藥水咁嘅嘢，沖涼後滴一滴（如果有癢有痛都可以滴） 最好最少帶夠1個月先好換耳針or其他耳環，因為我身邊真係好多人瀨過嘢，發炎發到豬頭咁，有d埋左口 換左耳環之後，當除左耳環，一定一定要戴返耳針，我試過貪懶冇戴耳針，第二日再戴耳環都搵左好耐先搵到個洞
