近排SAILORMOON產品大熱 跟一班好姊妹談起小時候看的卡通片 大家無不嚮往, 一一數出有共鳴的卡通片 以前的娛樂冇而家咁多, 每日放學返學返到屋企就會好期待4點之後卡通片時間 當然還有譚玉瑛姐姐的閃電傳真機 (一不小心暴露左年齡的秘密) 有時為左睇卡通片仲會特登快D做哂功課, 等睇電視 (話說個時未有MYTV :lol: ) 如果唔係返到學校點同同學討論 男同學講數碼暴龍四驅車 女同學就一齊變身爭做主角 唔知點解總係覺得以前的卡通片係好睇D 那些年的卡通片 又有幾多令你有共鳴呢? 8-) 1. 美少女戰士 "你你你 快跪下 看我引弓千里箭" 美少女戰士的經典歌詞 要講到最受歡迎的女生卡通片一定非美少女戰士莫屬 美少女戰士可說是我第一套接觸到的魔法變身卡通片 "美少女轉身變 已變成戰士 以愛凝聚力量 救世人跳出生天" 那時候大家除了是對魔法的著迷外, 大概不多不少都是因為月野兔的可愛形象 還有那套超美的水手服, 一頭長長的金髮 對於月野兔的口頭禪, 相信大家一d都唔會陌生 「我係愛與正義，穿水手服的美少女戰士Sailor Moon...我要替月行道，儆惡懲奸」 月野兔, 水野亞美, 火野麗, 木野真琴, 愛野美奈子 同豆釘兔 你又最喜歡那一個角式呢? 變身重溫 https://www.youtube.com/watch?v=aapwdyUnTCY 2. 咕嚕咕嚕魔法陣 "變變我變變變變 世界倒轉要再倒轉 " 2位主角勇者仁傑同魔女歌莉的名字你未必記得, 但係你一定邊個係結他他老伯 當時卡通片一出, 學校內面無聊的男生就會開結他他老伯跳舞 其他劇情點發展我都已經冇咩印象 最有印象就係佢跳舞 結他他 結他他 結他他~~ 一齊重溫老伯精彩舞蹈 https://www.youtube.com/watch?v=nqSRb1m2EB0 3. 忍者亂太郎 忍者亂太郎係以忍者的學校作背景的, 是我其一套我百看不厭的卡通片 三位小主角 小丸 新丁 亂太郎 總是笑料百出, 劇情有趣, 所有角色不停放膠 有個逼人食哂所有飯餸的大嬸 間唔中仲殺出隔離王新丁個女朋友出黎: 「新丁, 我幫你抹鼻涕呀‥」 又係另一個印象好深刻的畫面 <3 經典重溫 https://www.youtube.com/watch?v=VyxhPoLGtfM&list=PL_WbNA3QUVFYDZbi2CXjeNz1SQTJznQ58 4. 飛天少女豬事丁 "粉紅粉紅趣緻的臉 我叫一聲即可飛上天 赤色絲巾圍在肩 凝望鏡盒身體會變" 善良但大濛的女主角林 (有冇發覺好多日本卡通片的女主角都係咁樣 :lol: ) 只有帶上豬鼻就可以變身成為識飛的愛心豬嘜寶妮, 周圍去幫人 每一次做好事之後就可以有一粒珍珠, 儲齊108粒珍珠就可以任意變成女俠 經典重溫 https://www.youtube.com/watch?v=3z-F6dZLYfE 5.百變小櫻Magic咭 "百變小櫻魔法神奇誰可阻擋 看我Sakura揮揮魔棒解開咀咒" 小櫻是另一套經典好看的卡通片 當時又再帶起了一陣魔法熱, 故事設置又有一位的小女孩 每冷出動去搜尋魔法卡都有靚靚的新衫著, 當時正處於青春期的小女孩好不羨慕 而且加插了不少少女戀愛的情節, 令不火女生十分著迷 重溫靚衫 https://www.youtube.com/watch?v=WCmuGuMnBVY&list=PL0QMX12qJrf76g1nkR-sqmIuqN6YyFlQk 6.櫻桃小丸子 BELI BALA BELI BALA 不驚會跌倒 BELI BALA BELI BALA 爸媽當我寶 BELI BALA BELI BALA 天天身體會增高 (會增高) 問題天天都多 小丸子都不止是我們80後才有看吧 之前仲拍左真人版 小丸子到現在還是一個清水市小學三年級的學生 (小丸子可否不要老, 陪我長高) 到現在三色台還有在播小丸子, 深入民心情度不比叮噹少(好吧, 現在叫多啦A夢) 故事圍繞著小丸子, 家人同同學展開，有關於親情、友誼生活小事 小丸子一班kai子同學係呢套卡通片的另一個吸引, 仲有一個好好笑的屋企(特別是爺爺) 幽默的旁白再加一分 小丸子比起其他卡通片緊張的情節欠奉, 但就是會給人輕鬆簡單的感覺 小丸子同小玉的感情愈來愈好呢 8-) 重溫 https://www.youtube.com/watch?v=FpjLz2_vaXw&list=PLeXBJo2NfERwiHZe1Yq_RT_UBrMNEl7BL 7. 熱血最強, 絕對無敵 熱血最強???咩卡通片黎呀 一部好舊的卡通片 相信未必個個都知道或者記得佢個名 不過如果一提到由一間學校變成機械人, 再由一班小學生操控, 你又有冇印象? 佢做的時侯, 唔知點解我就成日都miss左睇唔到 到大過左, 同朋友討論起學校變機械人, 大家都說記得而且好鍾意睇 (但係唔知做咩冇人知道個名) 由一間學校一步一步變成機械人的情節非當深刻 唔好講咁多即刻重溫 熱血最強 https://www.youtube.com/watch?v=tQP8Koh2Fwo 絕對無敵 https://www.youtube.com/watch?v=yJjUWlGQNZo&list=PLr5iO5LhmNhjgIT1GTlx1GY--5OGCcH4g
