每年4月指定動作--青衣戲棚又黎喇~~~ 雖說近幾近幾年都有去戲棚, 但係每次去都總帶住興奮同期待的心情去, 因為你總可以係戲棚入面你可以搵到一個又一個你熟悉又懷念的味道, 吸引程度同新年夜市有得揮呀 介紹返比第一次聽的朋友啦 青衣戲棚係每年農曆三月、四月舉行,係一個大型傳統節慶活動，第一個是農曆三月十二至十六日的《真君大帝寶誕》， 第二個便是農曆四月初一至初五的《天后誕》。戲棚除左有傳統大戲，最重要的是戲棚旁邊的空地會有大量的香港傳統小吃。 整個場地分為兩部份，第一個是用作表演的戲棚，早上的劇目為免費入場，而晚上就要收費；第二個是擺滿美食攤販的空地，琳琅滿目的特色食品也可以在這兒找到！ 今年戲棚會係4月30日至到5月4日, 唔好講咁多, 即刻睇下今年有咩好玩好食~~GOGOGO! 一入到戲棚, 會有一個空地, 一邊係戲棚, 另一邊係一大堆熟食檔 係戲棚個邊, 你除左會見到好大個戲棚之外, 仲會見到各式各樣的攤檔, 賣的有元寶蠟燭香, 小玩具, 仲有好多兒時的懷舊小食, 好似糖蔥餅, 叮叮糖, 冰糖葫蘆, 麥芽糖夾餅等等。 旁邊偶而會有臨時的小攤檔擺賣著一堆口立濕(鹹鹹濕濕的醃製零食), 好似話梅或檸檬等... 喜歡的不妨買一些, 支持小店~ 點擊圖片放大 再一直走一後小路就會見到一大堆, 冇錯係一大堆的熟食檔同埋人XDDD 今年擺o既攤檔比往年的更多, 以往係停車場的地方今年都變成了攤檔, 令大家揀野食的時侯更加頭痛 :-? 我先向新的那一邊行, 睇下有咩特別的野食 第一眼見到的是芝士薯波, 但首先吸引我眼球o既係佢隔離個個一整個西瓜的西瓜汁 顧名思意就係成個西瓜上, 你會見佢先係西瓜上開個lone 再打碎入面的西瓜肉成西瓜汁 天氣熱的時侯飲好涼快呀~~ 呢個相信係今年新的, 不算得上什麼地道上小食, 但一看到是韓國直送, 賣相又幾特別 都忍唔住想試下 之不過突然傳黎一陣唔知係香定臭的臭豆腐味XDD 呢一檔臭豆腐每一年都必定大排長龍 而今年都係繼續大熱出場, 由我7點幾去到開始有人龍, 直至到我走, 都依然有好多人排緊隊買臭豆腐食, 就知佢有幾好食啦, "臭豆腐控" 唔好錯過喇 :) 另外一方又是一如以全大排長龍的水餃同炒海鮮 今年買海鮮的攤檔多左好多, 大都是燒烤的, 特別的是有燒鮑魚, 燒生蠔同超吸引的燒帆立貝 遠遠已經聞到好香走一個圈打算返轉頭再食, 老闆娘已經話明天請早, 流淚 :-( 而家只有相片一張@@ 以兩個係我個人必食的手抓餅同粉仔 手抓餅超級足料, 材料好豐富, 咩都有一D, 幾有一貫香港的風格, 是我暫時黎講最愛的手抓餅 呢檔粉仔絕對係自家製, 每一年都會係到擺檔, 幾乎都認得佢地o既樣 粉仔口感好好, 配合辣的茶莆, 味道一流, 如果你覺得十_座粉仔已經好好食的話, 咁你一定要試下呢家 由於呢2樣都比較飽肚, 建議大家搵朋友仔一齊share 咁就可以食多d野啦 除左以上講的, 仲有好多好多野食, 不能盡錄, 講到地道香港小食 當然唔少得魚蛋、雞蛋仔、腸粉、碗仔翅、缽仔糕.....大家自己再發掘發掘喇~~ 食到口渴除左西瓜汁仲有凍冰冰的椰皇 熟食檔我另一邊仲有雜貨店賣鹹魚, 海味等 有興趣的都可以看看 後記: 講到最後, 戲棚之所以吸引, 除左食物之外, 還有的是保留了香港的傳統文化同地道的小食。 一切看似很簡單, 很生活化, 但在我看來卻很寶貴, 比起一式一樣高樓大廈同shopping mall, 我比較喜歡這樣子的香港。 更重要的是一份又一份的人情味, 店主見到我影相都會主動配合合照 yeah!!, 仲有幫你tailor made 的走呢樣呢個樣, 同你講佢間店的歷史, 這樣人與人之間的相處更為可貴呢~~
