放緊大假既我去左南意渡假,旅程途經拿坡里(Napoli) 呢個地方名成日都係意大利餐廳既Menu都會見到 腦海係咪即刻浮現好多意粉同Pizza呢？ 無錯！拿坡里的確有間米芝蓮評級既Pizza餐廳 呢間餐廳淨係賣兩款Pizza: Margherita、Marinara Margherita係Tomato sauce+Mozzarella cheese+Basil Marinara係Tomato sauce+Garlic+Oregano 唔好以為米芝蓮餐廳就一定係食貴野 呢間餐廳Pizza收費超平民，比起普通意大利餐廳收費更平民 Normal size €4 Medium size €4.5 Maxi size €5 圖: 我買左個Medium size Margherita €4.5，呢個係Pizza經歷兩小時火車車程後個樣 Pizza皮又薄又鬆軟又有咬口, Mozzarella cheese好chewy Basil烤得好香，仲有蕃茄醬既香味同微酸味，餅皮仲有炭香味 雖然材料好簡單，但烤出黎既味道同口感絕對唔簡單，超級好食! 呢幾樣材料加起再配合埋師傅既技術，絕對係Perfect match! 圖: 師傅整Pizza手勢純熟，三兩下功夫就搓好塊餅，放好材料，再送入火爐烤 圖: 負責烤Pizza既師傅控制火力好專業, 新鮮熱辣既Pizza好快就一個個烤好啦！ 呢間餐廳用傳統方法烤Pizza好有風味，而且Pizza係名符其實既好味 大家有機會一定要黎試下! 堂食雖然可以即刻試到新鮮出爐既Pizza, 不過建議唔趕時間先堂食啦 因為餐廳太出名，好多人都慕名而來，等位需時 如果無咁多時間等位就叫外賣，一般外賣都好快有得攞 我都係外賣拎返酒店食，雖然攤涼左，不過都一樣好食！ 地址：L'Antica Pizzeria da Michele Via Cesare Sersale, 1, 80139 Napoli, Italy Google Map: https://goo.gl/maps/rTTbRCjg8Mx 官網: http://www.damichele.net/ 更多小菲菲空姐既日常，請Like FB: www.facebook.com/littlefifi.diary 歡迎合作邀約，EMAIL: fionchan2003@gmail.com
