新聞上經常見到強國人搭飛機既醜態/事 什麼杯麵潑空姐、遲到趕飛機硬闖登機橋等 佢地係飛機上的不文明行為經常被人詬病 我承認強國乘客的確係有不文明既一群 我偶爾都會遇上，但當然未去到新聞報導既咁誇張 只是有時唔聽話，態度差，脾氣壞D 基本上都係能夠控制 但其實有時一D強國乘客都蠻可愛亦聽教聽話 以下係我係空姐既角度觀察/諗到幾點值得欣賞既地方 1. 自己的位自己調 強國乘客如果係一團幾十人搭飛機 佢地多數會好快同自己團友相認再自行調位 而且我係完全幫唔到佢地既因為佢地調位既變化好大我都未搞清D seat number既時候佢地已經調好左所以放手俾佢地調就可以了 雖然有時會擋住其他乘客行 但只要同佢地講聲佢地都好禮讓 而且我鍾意佢地調位完全唔會假手於人 自己的事自己做，自己的位自己出聲問乘客調 因為無論你幾想坐果個位都好，都係要問返坐果個位既乘客意願 空姐係無權幫乘客決定，問空姐都幫你唔到，除非個位無人坐啦 2. 自備保溫壺 強國乘客上飛機鍾意飲熱/溫水 但每次派餐/飲料時餐車都唔會有 要逐杯倒俾佢地，會有D麻煩 但佢地好多時會帶保溫壺交俾空姐裝熱水 大大減少倒熱水俾佢地既次數同熱水杯既數量 有時登機唔係好忙又見到佢地有水壺/保溫壺 我都會主動問要唔要幫佢地裝水 免得派餐/飲料時又要花額外時間幫佢地裝 3. 總帶著笑容與熱情上機 有時遇到D強國大媽大叔，佢地都係笑容滿面 有時一團人搭飛機會搞到機艙既氣氛樂也融融 佢地會周圍影相又會同你傾計，探索座位有既雜誌同安全帶 有禮貌咁問你個人電視點操作，耳機插邊 佢地會將帶上飛機既食物互相分享，甚至同我分享 試過有個強國大叔請我食蟹黃蠶豆 又有試過有位強國大媽請我食燒乳豬 我當然無要啦，但佢地既心意令人覺得好窩心 我唔係話要請空姐食野先係好乘客 但佢地搭飛機時懷住既興奮雀躍既心 係而家搭飛機去旅行普及既世代唔易再見到 有時佢地會係落機時對你講謝謝長途機餐與餐之間既休息時間黎同你傾計，同你講聲辛苦了其實都令人覺得好溫暖，覺得再辛苦都值得 當然係乘客既角度去睇強國乘客可能會有另一番體會 但以空姐既身份，我覺得強國人亦有文明有禮貌既一群 而且強國乘客值得欣賞既地方可以有更多係我未探索/諗到 有時佢地只係因為少搭飛機而唔識規矩 但只要你肯耐心同佢地溝通，佢地都會聽話 希望大家都識得體諒佢地，俾多少少耐性 其實有時都無話強國乘客係最難搞既一群既! 更多小菲菲空姐既日常，請Like FB: www.facebook.com/littlefifi.diary 歡迎合作邀約，EMAIL: fionchan2003@gmail.com 圖: 北京萬里長城
