飛機起飛後不久，餐飲服務就會開始 一架又一架既餐車從飛機狹窄既走廊推出 你可能覺得空姐/少們面帶笑容地推住架餐車 就以為架餐車一D都唔重! 其實架餐車係超!級!重! 試想想，車入面裝住乘客既飛機餐同車上面放住無數咁多飲品 再加上餐車本身既重量，真係少D力都推唔郁架! 由飛機廚房推出餐車到第一排開始派餐 其實空姐/少們都已經出了不少力氣 但乘客有時卻會增加空姐/少們推動重重餐車既次數 最常見/主要既情況就係有D乘客係餐飲服務開始時去洗手間 搭飛機時都知道飛機既走廊係非常狹窄 如果有架餐車係走廊，好多時都不能再讓乘客係旁邊經過 除非你真的好瘦，或者都可以係條狹縫之間擠過去 所以一般情況下，空姐係需要將餐車推返去最前或最後 先可以讓乘客通過走廊去到洗手間 不要忘記! 飛機餐車真係超級重! 而且全架飛機絕對唔會只得一個乘客想係派餐時去洗手間 想去洗手間既乘客亦唔會係同一時間去 有D乘客想飛機餐派到前去，有D乘客食完飛機餐就要去 加上去完洗手間既乘客需要返回座位享用佢地既飛機餐/睇電影 所以空姐/少們推動重重既餐車次數可以係好幾次不等 每次派餐遇到咁既情況真係少D力都唔得! 除此之外，乘客咁做都會令餐飲服務延誤 坐得比較後既乘客會遲D先可以攞到飛機餐 其實要將一架咁重既餐車係咁窄既走廊上重覆地推前推後 對於Crew們有時真係好吃力 作為一個空姐，我知道不能要求乘客配合 但如果你想成為一位Considerate既乘客 下次搭飛機時想去洗手間，可以選擇係餐飲服務開始前後去 當然如果你真係好急需要係派餐時去洗手間 都同要讓路俾你既空姐/少講聲「唔好意思」、「唔該你」 想必空姐/少都會體諒有禮貌既你 更多小菲菲空姐既日常，請Like FB: www.facebook.com/littlefifi.diary 歡迎合作邀約，EMAIL: fionchan2003@gmail.com 圖: Santa Monica Beach in LA
