每次返工上飛機做野之前都會有一個BRIEFING BRIEFING時CREW們都會分享一下對果程機既期望同經驗 而大致上大家都會期望有一個HAPPY n SAFE FLIGHT! 講起SAFETY，我地公司一向都標榜SAFETY is our first priority! 當然Safety既範圍唔單只係乘客，仲有CREW們啦! 而其中一樣係BRIEFING時常常提到既就係處理乘客既行李 公司既政策係唔鼓勵CREW們幫乘客擺放行李，避免受傷 受傷既原因好多......... 例如:幫乘客放過重行李、與乘客一同擺放行李時乘客突然放手，令行李跌下等 所以CREW們正常係唔會幫任何乘客擺放行李 除非乘客係小朋友、老人、輪椅乘客、身高過矮 我地可以做既只係幫乘客check in過重既行李! 否則所有乘客都應該自己擺放自己既行李! 試過有次有個香港女人要求我幫佢擺行李 我當然好有禮貌同佢解釋公司唔鼓勵我地幫乘客放行李 乘客應該對自己帶上飛機既行李負責任 但佢堅持要我幫忙，我心想今次走唔甩 不過因為佢件行李都有D重量，我就請佢同我一齊抬上行李櫃 但佢絲毫不動咁企係度，只係將行李遞俾我 我果刻真係好嬲，我本身無責任幫佢擺行李都已經幫佢擺 佢竟然當係奉旨咁，當我搬運工人麼?覺得所有空姐都係大力士? 當然我忍住啖氣，平心靜氣請佢行出佢個位用多少少力幫手啦 點知佢只係輕微移動左一小步，將佢既行李提高左一點點 個行李同個行李櫃仲有段距離，掂都無掂到個行李櫃 我真係俾佢激死! 我只能夠頂硬上，用盡力拋佢行李上行李櫃 然後我即刻閃埋一邊冷靜下，同呀姐報告返呢位乘客既情況啦 點知果位女士轉頭就向呀姐投訴我態度好差 我真係嬲到震! 不過好彩我呀姐撐我，相信我既態度唔係差! 呀姐仲安撫我，叫我下次要小心處理 條氣先順返D，佢投訴無效 所以請大家去旅行時要對自己既手提行李負責任 唔好再覺得空姐有責任或義務幫乘客搬行李 當你覺得行李好重既時候，我地都一樣會覺得重 空姐並唔係大力士，我地都係正常人 如果空姐願意幫忙放行李既時候，唔好當奉旨 請你都伸出你對手一齊擺行李 個行李未放好之前唔好放手，以免行李跌落黎 「自己行李自己擺 做個負責好乘客」! 更多小菲菲空姐既日常，請Like FB: www.facebook.com/littlefifi.diary 歡迎合作邀約，EMAIL: fionchan2003@gmail.com 圖:在米蘭機場等上飛機回港
