有年聖誕節用員工機票去台北旅行 回港時機位十分緊張 於是便提早到機場排隊等機位 不過當然機位唔係先到先得 而係根據入職時間計算，愈SENIOR既就會排先 我只係想排多幾班機，希望多個機會攞到機位 其實用員工優惠買機票係咁爆滿既情況下 都會要等到飛機起飛前50分鐘先會出機票俾員工 眼見排我前面既同事都已經走了，就更擔心上唔到機 當時既我心急如焚，好快D有機位返香港 最後終於都係要等到當日最後一班回港既機 仍然有排我前面，比我SENIOR既同事係到等 要叫名出機票果刻，我緊張到差D連個心都跳埋出黎 好彩，叫到最後都有我份! 但係緊張既心情仲未可以放鬆! 睇睇時間，飛機仲有40分鐘就起飛啦! 飛機從來唔等人，即使你有機票在手! 我即刻拔足狂奔，經過CUSTOM，經過IMMIGRATION 最後跑到登機閘口，我趕到啦! 唔洗訓機場啦! 正當我要入閘既時候，地勤小姐截住我 我心諗唔係臨時同我講飛機已經無哂位掛? 我幾經辛苦攞到機票，跑到黎閘口都上唔到機? 原來唔係無位，係機場海關X-RAY照到我CHECK IN行李有電池! 地勤小姐即刻問我拎行李鎖密碼，要將電池攞返出黎 因為備用電池係要跟隨身行李帶上機，不能CHECK IN! 當時我都唔記得自己CHECK IN左舊咩電池， 最後交到我手既係我既尿袋! OH! 我真係完全忘記了 果刻既我超尷尬，超唔好意思！ 身為空姐既我，雖然JUNIOR，都覺得無地自容 只好不斷講「不好意思」、「謝謝」，再急步走入飛機消失 不過真係要多謝地勤小姐幫我攞返個尿袋，無沒收我個尿袋! 最後終於可以安心坐飛機返香港啦! 所以大家要留意啦！任何相機或電腦電池或尿袋都要跟身帶上飛機，唔好放寄艙行李呀！ 唔好以為機場海關check唔到呀！ 大家都唔想電池被沒收或者經歷我既尷尬架! 執行李時記得要再三檢查清楚啦! 有關托運鋰電池既資訊，可參考: https://www.facebook.com/UTravel.com.hk/posts/1285129644834098 最後，大時大節去台北都係考慮買廉航，或者擇日再去! 因為用員工機票無機位既慘痛經歷，我最近又嘗到過了 比呢次更慘烈! 之後再分享~ 更多小菲菲空姐既日常，請Like FB: www.facebook.com/littlefifi.diary 歡迎合作邀約，EMAIL: fionchan2003@gmail.com 圖: 聖誕期間坐國泰機派既聖誕曲奇
