雞加飯既魅力真係無人能及 早幾日既澳洲機真係考驗我 三款飛機餐分別係香菇雞飯，牛肉米形粉，意式長通粉 意粉一向都係外國人揀多， 眼見成個機艙8成既客都係亞洲面孔，我都心知不妙 果然，我問10個客，有8個都話要「Chicken」、「Rice」 呀姐已經叫我用我既魅力SELL下D意粉架啦 只不過我既魅力真係有限，D客對雞同飯又實在用情太深，難以自拔 連外國人好多都鍾情於雞飯 牛肉都不足以令佢地移情別戀選擇意粉，更何況係素既意粉 我派餐派到一大半已經無哂雞飯 有個男乘客聽到已經無哂雞飯既時候更O咀O到下巴已跌落地唔識反應 有個女人更加好似食意粉會死咁強調佢真係唔食得意粉 其實我都真係好唔好意思，但又無辦法 唯有哄D兩個人識既又一齊坐既一個要牛肉，一個要意粉啦 幾經辛苦先可以安撫好無得食飯既乘客 好彩佢地都無發脾氣又無投訴 如果唔係我實俾呀姐剷到上天花板啦! 有時唔明其實眾所周知好少人會食意粉 又明知亞洲人既乘客比例多，而佢地又無飯不歡既 點解公司唔增加飯餐既比例 我覺得公司應該要好好就自己乘客既口味做返個RESEARCH 又或者根據每條航線乘客國藉分佈而精準少少決定飛機餐比例 又或者俾兩個飯既CHOICE啦 再唔係3個CHOICE都有雞既，咁就個個都有雞食啦! 更多小菲菲空姐既日常，請Like FB: www.facebook.com/littlefifi.diary 歡迎合作邀約，EMAIL: fionchan2003@gmail.com 圖:首爾既芝士雞
