去到韓國點樣做到神仙，就要認住呢個標誌喇。呢個就係韓國有三十幾間分店既出名食店神仙雪濃湯。點解咁出名，除左好食之後，仲係韓國燦爛的遺產既拍攝場地，當然受歡迎。 睇睇餐牌先，有好多款可以揀，亦都唔止有雪濃湯可以點。放心，有中文既，大家一定睇得明。最後我地當然揀左招牌既雪濃湯(10000 won)同餃子雪濃湯(8000 won)。大家都可以試下長壽雪濃湯，其實就係有人蔘係湯入面，食完當然會更長壽喇。 請支持我們[ Little Corner ] 呢一張紙好得意，有畫左匙同筷子既樣等你放上去。點完餐後就可以自己夾泡菜同醃蘿蔔食，不過佢係未經刪剪既泡菜同蘿蔔，所以必備較剪幫佢地開刀既。兩樣都唔算係好辣，酸酸地會令到你陣間食好多野落肚。 你會問個湯點解咁白既，其實係用左牛骨、牛肉長時間煮既湯。你睇個湯好似唔滿咁唔通佢偷工減料！？其實係俾你可以倒埋個飯落去一齊食，當個飯索哂湯既味之後就會十分好味。湯入面都有好多塊牛肉，望落牛肉好似煮到好熟咁，但放入口會感覺到牛肉好似溶係口。湯方面十分香濃，同埋有好多蔬菜，係好健康既一餐。其實仲有一個食法，可以加埋少少泡菜入去食，就會有酸酸辣辣又帶湯甜既味。 請支持我們[ Little Corner ] 有幾隻大大粒既餃子再加上年糕，真係食完都十分飽呀！如果大家覺得唔夠味，旁邊都有鹽，胡椒做調味。 大家夜晚肚餓點算呢，神仙會打救你，因為佢係24小時營業架。 神仙雪濃湯點去呢 乙支路入口，6號出口出，穿過Starbucks，一直向前行，見到Aritaum向左轉，經過友利銀行再向前行，右手邊就係喇。係正Softree同明洞教堂附近。 請俾個Like繼續支持同留意我地喇！ Little Corner Facebook: www.facebook.com/ohlittlecorner Instagram: ohlittlecorner
