韓國有好多好多既Café，亦有好多好多既Waffle，我地本身就好喜歡食甜品，一直聽聞BEANSBINS既大名，當然去到要一嚐佢地最出名既Waffle喇！今次去既係明洞既BEANSBINS，其實首爾都仲有好多間，大家可以搵一間係左近既。由於去到既時間比較夜，所以只有兩三枱既客人，而店員亦好似準備做緊收拾既工作。我地好快揀左窗邊位置，望住好搶眼既BEANSBINS綠色招牌同埋明洞既街景，就再好快咁出去叫我地至愛既甜品食喇！ 請支持我們 [ Little Corner ] 係好多好多既選擇之下最後揀左綠茶Waffle配綠茶Ice-Cream加上套餐既American Coffee，價錢為15500won。因為即叫即做，所以需要長少少時間喇，呢個時候可以欣賞下韓國Café既設計，無論枱或餐巾都有佢地好精美既標誌。不過記緊餐具同紙巾係需要自取架！ 真係好大好大份架，有4塊Waffle，1個Ice-cream，2個cream仲有2小塊香蕉。Waffle都有用到綠茶去整，有好香既綠茶味，而且十分鬆軟，因為係香港有食過係一咬就感覺到成口粉既Waffle，而呢一個完全無呢個問題，仲係我地影左一輪相之後依然香脆，唔會一放得耐就淋哂，真係又香又好咬口。雪糕會用出名既Haagen-Daz，所以一定會好好味！最重要係點埋Cream會更好食，Cream並唔係太漏，配搭左熱辣辣既Waffle同凍冰冰既Ice-cream真係好味到難以形容呀！ BEANSBINS係邊度食到呢? 係明洞6號出口，一直向前行經過Uniqlo，Toly Moly，到見到右手邊係NewBalance既時候向左轉入去，再一直前行見到Aland既對面就係BEANSBINS喇 請俾個Like繼續支持同留意我地喇！ Little Corner Facebook: www.facebook.com/ohlittlecorner Instagram: ohlittlecorner
