20-26/06/2014 去左7日6夜首爾遊，當然都係食食食，買買買，玩玩玩喇！！今次去既地方都算係大路既地方，仲有好多地方都未去，好快又會再去下一次喇！我地認為旅行好應該放低電話，所以未能提供wifi蛋資訊。以下會介紹下今次既行程。 機票 - 我地今次訂左濟洲航空，不過買貴左機票，因為見佢最平既無哂所以好快咁就買左。過左幾日就做左優惠，連稅來回都係一千六百幾。飛機算係細機系列，機頭望到機尾，而且座位都係比較窄，撞正前面既人挨落黎真係郁都唔駛郁，另外溫度算係比較熱，無娛樂設施，有水飲。 航班時間就如下： 去程：0150香港出發 0630 到達仁川機場 回程：2140 仁川機場出發 0025 到達香港 - 以下有幾間廉航推介，大家可以先格下格再訂，而且不定時會做優惠，可以睇定少少先訂，見心水價位先買喇。 1) 濟洲航空 (係今次旅程搭既，李敏鎬代言航空公司，有凌晨機去夜機番，暫時覺得時間係最好既，記緊而家既行李重量已經降到15KG) http://en.jejuair.net/ 2) 易斯達航空 (暫時時間唔算好好，下午機去早機番) http://www.eastarjet.com/book/index.htm http://www.ktstravel.com.hk/chi/tour-content-detail.php?type=%E6%A9%9F%E7%A5%A8%E5%8F%8A%E9%85%92%E5%BA%97%E5%A5%97%E7%A5%A8&tour_id=55 3) 真航空 (都係下午機去早機番) http://www.jinair.com/Language/CHT/ 4) HK Express (有凌晨機去，不過真係好凌晨) http://www.hkexpress.com/ 當然仲有韓亞同大韓等等都可以揀，可以格好哂價先決定買邊一間。 住宿 - 係Hotels.com 訂左 Shinchon Ever8 Serviced Residence。今次居然唔記得影相，但係同Hotels.com既相無異，可以參考。其實佢係有韓國人住既Apartment，所以房間有齊設備，有微波爐、洗衣機等等。最特別係乾濕隔開，即係洗手盆係花灑既地方拉出黎，記得如果要用洗手盆就要扭番好個掣，唔係就會成身濕哂。 - 酒店有大大個雪櫃，買幾多野番黎都裝得哂。另有鞋櫃同衣櫃，都係大大個既。不過空位地方就窄少少，勉強地係床邊打開到2個行李。 - 睇過評語話洗頭水唔好用同唔會加樽裝水，但係我去既第一日因為太攰用左洗頭水，第二次洗都有泡泡出，又唔似人地話好似搽水咁。每次執房亦都有補充番淋浴用品同樽裝水。 - 如果要使用洗衣機記得要拎洗衣機既英文版說明書，因為只有韓文係機上。 機場至酒店交通 - 我地搭6002巴士，我地用左Coupon所以9000won一個人就可以了，記得一人一張，來回程各一張。由機場5B出口上車去到梨大落車 - 機場巴士資料：http://www.airport.kr/airport/traffic/bus/busList.iia?flag=C&fake=1147932422659 韓國交通 - 韓國地鐵路線圖: http://www.smrt.co.kr/program/cyberStation/main2.jsp?lang=c2 - 韓國地鐵搭乘事項: http://big5chinese.visitkorea.or.kr/cht/TR/TR_CH_5_7.jsp 匯率 - 係明洞大使館唱錢，分別唱左三次，131、131.1、131.2都試過，相差不大，而行左幾間亦都係呢間最抵唱。店如其名，正正就係大使館既隔離就係可以唱錢。 優惠 - 韓國大大小小店舖都會有優惠，記得睇哂要既印哂先，以下都會講行程入面既優惠 1) http://big5chinese.visitkorea.or.kr/cht/GK/GK_CH_1_4_1.jsp 韓國觀光公社 2) http://www.travelnote.hk/coupon?page=4&theme=SH&ord=downDesc 遊記網 3) http://cn.konest.com/contents/coupon_list.html 韓巢 4) 巴士優惠 5) http://lovefromstar.sbs.co.kr/ 來自星星的你展覽優惠 - 回程既巴士上面都有新羅既coupon，如果有既拎定幾張打底先 - 機場小冊子有時都會有優惠係上面，可以拎定備用 特別事項 - 韓國係快香港1個鐘既 - 地鐵上總會撞到有人推住車仔叫賣，會拎住個產品介紹，韓國人早已見怪不怪，大多數人都係會做番自己野，如果你無咩興趣可以無需理會，只多要注意佢架車仔行過時小心撞到。甚至有聽過有人傳教，只要你對眼唔好同佢地有接觸就無咩問題。 - 地鐵上車落車都要小心，通常會直行直過，迫到你既時候唔好急唔好嬲，除非你番工番學時間搭車，唔係大部份時間車廂都唔會太迫。 - 記緊地鐵上係有關愛座俾有需要既人坐，而韓國人亦好守規則會留番座位出黎，如無特別需要都留番俾有需要既人坐喇。 請給予1個like支持: https://www.facebook.com/ohlittlecorner
