終於又到左介紹車款既時候啦上年11月因為有得平換機會，於是急急腳去左北海道5日由於已經係11月尾，同埋我係第1次揸雪地又驚會落雪，所以今次租左架四驅既SUV，務求成件事安全D今次係同BUDGET直接租既，價錢跟住就會比大家睇下 貸出日時：2023/11/22 15:30返却日時：2023/11/26 13:30取車地點：北海道新千歲機場租車公司: BUDGET車種: 三菱 四驅 RVR(SUV2 Class)價錢: 34,310円 基本料金：54,450円 免責補償料金： 13,200円 割引： 25% OFF + 1000円 ETC ： 330円 ---- 合計金額： 34,310円 今次係我第1次揸SUV既車所以我一拎到車個陣都要D時間去適應下大CC既車 首先送上既係，RVR既外型比大家 由於第1日拎車係仲未落雪，同埋個期係有好誇張既雪蟲所以我個車牌有好多黑色一點點係上面等我放大比大家睇下 真係好恐怖=( 睇完外型就繼續睇埋司機位先 我諗車型唔算好新，所以個PANEL都係一般油車咁唔會太多電子野 再黎係後座 由於我今次黎係得兩個人又係坐商務所以兩個人3個大喼，放低左一邊黎放行李但另一面望落個LEG ROOM都大既，應該唔差 最後要睇既就係架車個尾箱 圖中黃色同中間個黑色係26吋，紅色24吋，好多貼紙既係20吋如果唔放低既，應該兩大喼係無咩問題 行程去到第2日就接受挑戰啦，去完小樽音樂盒個館，一出黎就見到暴雪跟住我都快手去睇下架車點，一行到去已經係下圖咁 人生第1次雪地揸車就係咁開始左因為本身有雪胎同4驅，其實輕微既雪，同一般既路係無咩分別不過最要小心既，係溶完雪之後再結番成冰既黑冰佢比雪係更加危險，所以，大家見到地下有D反光位就要多加留意啦 自從呢一晚之後，D雪好似越黎越大咁再比大家睇下我其中一日去完ROYCE個廠之後有幾大雪 其次係雪地要留意既，就係好似上圖咁，個地下唔見左條線所以大家一般會貼左行，要去到轉彎或者爬頭既時候先會去右邊 總括黎講，大家如果要係雪地揸車，可以留意下以下幾點:東北地區同北海道地區一般11月已經會將雪胎轉成標配，唔洗專登加。如果無咩雪地經驗既話，建議比多少少租有四驅既車日照時間會短左，所以盡可能將景點行程放係一早。避免係夜晚加雪地揸車地下睇唔到線既時候，可以望下左右係電線桿上掛住既向下紅色反光箭咀，佢係代表個壆位既邊緣盡量唔好比大油，同預早收慢架車入彎或者停車。有雪/冰所用既剎車時間遠遠比落雨既要多好多，所以唔好太高速同要有防禦性駕駛!!!!油缸盡量保持有一半或以上既油。有時長途車塞車，唔知要幾耐先可以通到車。如果得好少油，驚你連暖氣都開唔到記得拎車個陣要CHECK下車尾有無個除雪鏟同掃附帶比你，佢可以拎黎掃雪之餘仲可以幫你整走泥擋個D黑冰如果你係泊露天地方既話，盡可能升高你個水撥先好離開架車。 我都係第1次係雪地揸，黎緊如果再有機會係雪地揸都仲有好多野學!!!今次既介紹就暫時黎到呢到先如果有咩租車既問題都歡迎你地用下面途徑搵我啦 Facebook: littlecongi分享地攤Line: ck6057Instagram: little_congi Email: choitsz_wing@yahoo.com.hk
