終於又到左介紹車款既時候啦之前五一黃金週去左北海玩左8日，租左架幾新既VOXY，只係行左400幾KM 首先，比D資料大家先 貸出日時：2024/05/01 16:00返却日時：2024/05/08 12:30取車地點：北海道新千歲機場租車公司: OTS車種: Toyota Voxy (WB Class)價錢: 121,750円 基本料金： 90,800円 免責補償料金： 13,200円 プレミアムプラン： 8,800円 ETC ： 500円 HEP： 8,400円---- 合計金額： 121,750円 因為大家多數係北海道都會跨區玩，所以基本上都係會租埋HEP黎用， 行程中咁岩睇到櫻花，所以係櫻花樹下幫架車打左個卡=) 先黎睇下架車個外形先車頭 側邊 呢個圖好似係用廣角，所以個車睇落比較長比多張圖你地參考下 跟住，再黎睇下大家最緊張既尾箱 以上個張圖就係升起左後座既情況下所放到既行李紅色細喼後面左右既行李係28吋，而中間既係26吋門口個隻黑色都係28吋升上去同紅色既都係20吋HAND CARRY喼而個3盒就係3隻蟹仔VOXY黎講，4-5人用都OK既6個人唔係唔得，但最後個層個位就要同行李一齊坐 下圖就係司機位 波棍既隔離係個放電話既位黎個窿窿係比你係下面拉線上黎叉電既 依家放大比大家睇下先 拎開個板之後，入面係有個TYPE C同USB既頭比大家叉電同連APPLE CAR PLAY 最後講番少少用車感受比大家知先嗯，呢架雖然係新款VOXY，但係佢比我既感覺無舊款咁好可能係電子野多左?佢起步係會有D慢，唔可以一腳到底黎加速如果你一腳到底，佢波箱好難上到一個波得出既結果係，好嘈但唔肯去 反而慢慢比油，聽住佢轉波黎加速既話成件事會SMOOTH好多，就算上到120都唔太飄同嘈 今次既介紹就暫時黎到呢到先如果有咩租車既問題都歡迎你地用下面途徑搵我啦 Facebook: littlecongi分享地攤Line: ck6057Instagram: little_congi Email: choitsz_wing@yahoo.com.hk
