呢間酒店，係我每次去福岡都好想住既酒店黎終於，今次去個陣，佢減左少少所以決定要住一次!!! 唔住唔知幾方便，一住，有D番唔到轉頭既感覺因為第一，佢係天神站既上面不論搭鐵搭巴士定揸車好，佢都係可以叫係，一落車就到酒店真係好。方。便 第二，我自己去旅行有時日頭玩完，夜晚番到酒店之後就落街行下，夾下公仔，去下DONKI補下貨無無聊仲可以去食個宵夜所以，因為佢地理位置好，上面我講既野，住呢間酒店，係10分鐘既步程係做到既 好啦，講左咁耐，係時候帶大家去睇下間酒店啦酒店出面我自己就影唔到啦，因為太近所以我都係GOOGLE MAP到CAP比你地望下 佢樓下就係個商場，就算落雨都唔驚無野行 而我今次去呢係揸車既，本身官網就無比個車場入口LOCATION比你我去之前都做定功課，依家SHARE埋比你地先MAPCODE係文章最尾比左大家，每晚費用係2000YEN大家入左個MAPCODE之後，到達既時候就會見到下圖個的士站 係的士尾個邊入去，之後係黃色盒仔左邊個窿窿入去 落左斜路，會有個警衛叔叔截住你，你同佢講HOTEL，佢就會比張A4過膠卡你卡上面會話你知要泊邊層邊個位，你泊好之後放張卡係你擋風玻璃就可以離開車去CHECK IN 離開停車場既話，交番張卡比佢地就OK 泊好車，CHECK IN好，我地上房啦今次BOOK既係雙人房 位於市中心黎講佢算OK大，起碼有位你行，開到喼對得起呢口價 我地向左邊移一下先 而櫃入面既係水，茶，啡個D 床既隔離就直接係洗手間唔記得左係出面影入去所以得番入面影出去比大家睇 唔好驚佢係玻璃，佢出而係有簾比大家落既=) 另一個我比窗鐘意既位係，佢係有浴屏隔開左個廁所同沖涼位 咁樣，用廁所個陣就唔洗比D蒸氣搞到個人好濕啦 雖然，房仔細細，但佢真係有充足既空間比大家好好休息為第2日既旅程再加加油!!!! 好啦，主要既野都講左比大家知，最後送多張房入面望出去既景比你地睇=) 今次雖然唔算係好詳細既分享，但都希望你地岩用啦 酒店資料: 名稱: ソラリア西鉄ホテル福岡/索拉利亞西鐵酒店福岡/Solaria Nishitetsu Hotel Fukuoka地址: 〒810-0001福岡市中央区天神2-2-43電話: 092-761-6500官方網站 房價: 雙人床 約$1132港幣一晚停車場: ソラリア西鉄ホテルタクシー乗り場 (MAPCODE: 13 318 243*51)，2000YEN一晚 多謝大家睇左咁耐我講廢話想問多D既話歡迎用以下途徑搵我 Email: choitsz_wing@yahoo.com.hkFacebook: littlecongi分享地攤Line: ck6057Instagram: little_congi
