有睇開既朋友都知我鐘意住D新既酒店今日就同大家介紹一間2022年6月開既酒店佢位於熊本城附近既櫻町 雖然佢同熊本站有少少距離但如果係自駕,呢間酒店會係一個唔錯既選擇因為佢都有個商用既相連停車場,每晚1800YEN同埋可以自由出入,咁就算日頭去完景點番黎放低車行下街都唔洗諗停車場錢會貴 好啦,首先比下大家望下佢個外型先 圖中既左邊就係要介紹比大家既酒店咁右邊呢座就係相連既商場商場都應有盡有,可以消磨到半日架 言歸正轉,我地係時候去酒店望下酒店既入口係位於商場/停車場既2樓 係2樓一出就會見到呢個樣行入去之後搭電梯上14樓就可以去到佢地個前台架啦 CHECK IN好之後因為呢間酒店都係行環保計劃 所以大家係需要自己拎既衛生用品上房一般用品我唔特別講比大家知不過有幾樣野IMPRESS到我就係佢居然有漱口水 仲有粒粒髮尾油 真心見到呢兩樣野係有驚喜既因為自己有需要用但又成日唔記得帶 講完CHECKIN,係時候上房啦我地先睇個雙人房先 以一般雙人房黎講佢算係OK大,又有行動同開喼既空間 再黎睇睇個雙床房 咁岩呢兩間房個景都一樣,所以望落都唔係差好多 而我呢到望出去就會望到商場隻熊本熊同可以行到過去既熊本城 因為樓層夠高,所以望出去都係唔錯既 再黎就當然要睇下個廁所先 酒店大可淨係得個浴缸同浴簾 但KOKO就再加左個門係淋浴個位到 咁如果行動唔方便或者小朋友沖涼就會更加方便 有需要浸浴既話又唔洗沖完先慢慢放水可以淋浴同放水同步進行=) 今次雖然唔算係好詳細既分享,但都希望你地岩用啦 酒店資料: 名稱: 熊本科科高級酒店 (KOKO HOTEL Premier Kumamoto)地址: 〒860-0805 熊本県熊本市中央区桜町3-20電話: 096-355-6700電郵: info-kumamoto@koko-hotels.com官方網站房價: 雙人床 $694/ 雙床 $840港幣一晚停車場: サクラマチ熊本駐車場 (MAPCODE: 29 459 591*28) 多謝大家睇左咁耐我講廢話想問多D既話歡迎用以下途徑搵我 Email: choitsz_wing@yahoo.com.hkFacebook: littlecongi分享地攤Line: ck6057Instagram: little_congi /congi_share