疫情以來3年，我就停左3年係岩岩過去既4月，終於番鄉下啦所以我又可以開始介紹新酒店比大家啦 番開鄉下既我，已經放棄左好多香港人既東京大阪九州都成為左我日本最常去既地方 開關第一遊，當然去浸個溫泉先啦今次我就揀左位於別府灣既潮騒の宿 晴海網上搵過一下呢間酒店，原來都好出名下我見AGODA有減價，所以二話不說就BOOK左黎試 提提大家，如果揸車去既話，停係佢大門口就可以佢地會有人幫你泊好架車架啦 事不宜遲，我地去睇下啦大家入到LOBBY，就會有人幫你做CHECK IN，之後仲會介紹埋酒店入面既設施同浴場佢地既員工好多都係外國人，所以英文溝通係絕對無咩問題 當你完成左CHECK IN之後你就會被邀請出去下面呢個INTFINITY POOL SIDE飲你既WELCOME DRINK 當日我未想咁早飲酒，所以就揀左蜜柑汁 如果你CHECK IN既時候已經好晏又或者想拎入房飲既話，只要係前檯隔離個雪櫃問工作人員拎就可以 個日我都有拎左一罐細啤酒番上房飲 入到戲肉，終於可以入房啦今次入住既係325號房 一打開個房門見到既係眼前呢個露台 雖然天氣唔多好，但行出去聽下海聲都好放鬆 回頭一睇，就會見到訓覺既地方 雖然間房唔算好大，不過都好夠放鬆心情 房既重點黎啦，就係私人風呂 佢同一般既溫泉旅館一樣，先要經過淋浴區，先會到私人風呂佢呢個風呂我覺得幾好既原因係，佢夠深我企到既時候佢都差唔多完全浸過我大脾但有小朋友既旅客就可能要留意一下啦 另外要睇既就係大家都關心既廁所 仲有要介紹既就係房間入面都有配置左小型既洗手盤，比大家洗下生果咁 睇完房，又抖夠，就當然去食個晚餐先呢到係分左3間餐廳，分別係食一般懷石料理，海鮮料理同埋法國菜價錢係: 一般懷石料理<海鮮料理<法國菜 咁因為媽媽唔係太食生既海鮮，所以我地最後揀左一般既懷石料理 先黎前菜同牛蒡粥 同埋餐前酒 之後就係魚生 中間仲有D煮物 跟住仲有個主菜，豐後牛提提大家佢個飯會接住個牛上，不妨可以等埋先食個牛 最後仲有舊士多啤梨蛋糕 係大家食緊甜品既同時，工作人員會同你預約好聽日既早餐 我媽媽因為唔鐘意和式早餐，所以我同佢各有各食 第2朝我媽媽因為唔記得帶電話去所以跟住落黎得番我同大家介紹和式早餐 先睇下MENU 一望到MENU有咁多野，雙眼又發曬光 係你坐好左之後，工作人員就會開始上你既早餐 放好曬之後，佢地會問你要粥定飯仲有因為見你係旅客，所以會問埋你紫菜，納豆同生蛋要唔要 我本身過到日本就會食下TKG，即係生蛋拌飯咁MENU上面寫佢地既蛋係農場送過黎，當然要試 好正=) 成個早餐仲有樣野好吸精就係下面呢個海鮮湯 一早飲呢個湯真係好誇張，但佢真係好好飲同好足料 食完主食，最後仲會上埋水果同乳酪比你 飽曬，又係時候番房換衫出發去玩啦=) 嗯，又介紹完啦，希望你地鐘意啦 酒店資料: 名稱: 潮騒の宿 晴海地址: 〒874-0023 大分県別府市上人ケ浜町6-24電話: 0977-66-3680官方網站 房價: ~1800港幣一人一晚 多謝大家睇左咁耐我講廢話想問多D既話歡迎用以下途徑搵我 Email: choitsz_wing@yahoo.com.hkFacebook: littlecongi分享地攤Line: ck6057Instagram: little_congi /congi_share
