話說，我認識呢一間舖係源於同事介紹佢既卷蛋比我試佢地係一間以茶味做主打既蛋糕店黎之前分別係荃灣有工場同太古城誠品有POP UP STORE 但我點解會介紹既係佢地既拉花班呢?事源係，佢地無再租誠品個舖位，之後轉戰左去銅鑼灣利舞臺附近對我呢D住荃灣人黎講，就當然方便左啦 後來，店主搬左去銅鑼灣之後，好努力咁砌左個網站我有一日碌佢地個網個陣，發現左佢地有拉花班 小編我一直都想搵拉花班上下堂，但坊間既堂唔係好多人一齊上就係好鬼貴但我發現佢地既班係2人同行，每人350蚊就可以上兩個鐘既拉花堂 於是膽粗粗就同店主約好時間就去上堂 佢地依家個樓上舖係位於銅鑼灣既寶明大廈，即係舊么鳳對面個座樓 入左去上2樓，出左電梯轉左行到尾就見到佢地個無裝飾既門口架啦XD 又或者你見到隔離個泰式按摩店，就搵到佢地係隔離 入到去同店主CONFIRM好之後，店主就會拎條圍裙比你 以免你玩到一身都係XD提提大家，店主係你CONFIRM BOOKING個陣會提你地上去玩拉花記得唔好著白色，亦都唔好著D好靚靚既鞋驚大家好驚個陣唔知自己倒左D咖啡去邊=) 準備好個人之後，等我望真D個場先 右手邊長檯個個位就係我地黎緊兩個鐘要黎學拉花既地方啦行埋D再睇真D先 第一次黎上堂既話，成個流程係會教大家由出咖啡SHOT去到拉到一個實既心形店主首先會做一次示範比大家 (PS:下圖係我第2次去上堂個陣店主既示範) 等大家係正式上堂之前理解下今日要做D咩 係一開始，店主係會幫住你黎試，等你感受下咩叫拉花圖案係會比較成型，好似下圖咁 點睇都有個心係咪XD 試左感覺之後，下一步就係要試自己出一個SHOT啦由壓粉同出SHOT開始 (下圖為朋友) 完成之後，店主就會逐步教打奶既步驟同咩叫打到一個好既奶泡學店主話齋，一個好既奶係拉花成功既因素，溫度同質感都好重要 學完打奶，就到戲肉啦，就係大家都好想識拉花啦 大家拉個陣記得聽實店主講幾時做D咩，咁大家個成功率就高好多架啦 但當店主開始慢慢放手比你由沖咖啡SHOT到打奶，再到拉花成個過程都係自己黎個陣大家就會開始有D暴走架啦，D圖可能唔知去左邊 不過唔洗擔心，PRACTICE MAKES PERFECTS=) 同埋每杯大家做完之後，店主都會同大家做個賽後檢討，睇下下一杯點先可以做好D有左經驗再試多幾次之後，大家應該就可以掌握到拉心型既感覺 細班就係有呢到好，有咩唔明都可以即刻問店主仲會跟據大家既學習進度黎調整上堂內容架所以不論你地有無學過拉花既都可以上黎學下唔同既野架 係呢兩個鐘入面，每個人應該可以試拉到大約10杯以上實踐率極高，絕對比坊間既班可以有更多機會嘗試 過左兩個鐘之後大家都有學到唔同既咖啡既知識小編我一開頭咪話比大家聽呢到係一間賣卷蛋既舖頭黎所以我地都訂定左兩件餅，本身諗住拎走食既但店主就話不如食埋先，咁可以飲埋自己最後拉個杯咖啡店主都拎左D餐具比我地，等我可以好好打個卡 今次我地訂左焙茶黑糖蕨餅卷蛋(平衡版)同焦糖香蕉朱古力卷蛋辛苦過後食番件甜野真係好滿足呀!!! 食完蛋糕已經同店主講好左話下次要再黎玩!店主話黎緊除左一般既班之外，仲諗住開個自助班即係大家自己上黎，店主提供機同用具比大家練習，咁樣仲會平DD 另外，如果大家淨係想試佢地個卷蛋，都可以上呢個網直接訂食前兩日預訂就OK，可以係銅鑼灣門市，荃灣工場又或者佢地指定地鐵站交收架大家得閒仲可以FOLLOW佢地IG，佢地間中仲會有唔同優惠既團購=) **是此活動係小編我自費架，絕無廣告成份，只係想介紹小店比大家** 店舖資料:名稱: Shiro Bakery營業時間: 12:00-21:00地址: 銅鑼灣寶明大廈2樓G室官方網站: Shiro Bakery Instagram想問多D既話歡迎用以下途徑搵我 Email: choitsz_wing@yahoo.com.hkFacebook: littlecongi分享地攤Line: ck6057Instagram: little_congi / congi_share
