過左聖誕同新年，終於搵到D時間打下文分享比大家啦 雖然我以下介紹既呢間係我較早之前入住既酒店 但都應該無咩人分享過，所以都有決定寫埋比大家 今次既酒店叫做NAHANA，NAHA即係沖繩既那霸 我估佢個HA係夾住用，而HANA可以解花或者鼻 咁可能係那霸花既意思掛 我地都係叫番NAHANA算XDD 呢間酒店同沖繩最出名既國際通只係需要大約3分鐘既步程 比大家睇下以下呢個地圖先 我箭咀指住個到就係由酒店行過去國際通既路線 真係好近架，等你地買完好多野都可以放番酒店先再行過 黎啦喂，我地睇外形先 望落去都幾新架，又夠COLOURFUL 另外佢地係有停車場既服務，黎到既時候將架車泊係上圖停車既地方之後 將鎖匙交去前檯就會有專人幫你泊好架車 入去之前再睇下佢個LOGO先 呀，睇番D相先知見到原來我去個陣係聖誕前 所以都幾多裝飾可以睇下 上房啦 今次BOOK既係TWIN ROOM 望落佢張床都比一般市中心既TWIN都比較大 床個SIZE都幾OK 而且有足夠既位比我打開D行李 睇下房既另一邊 唔係真係話好大間房，但800幾一晚都算係咁 再黎睇下大家好著重既廁所 由於係市中心，所以都係用曬好傳統個種箱形洗手間 但都算係大大地既 今次呢個分享雖然唔係好多資料比到大家 最後就分享埋佢有既房形比大家啦 望落層數唔多，但原來都有咁多房形可以揀 下次去可以試下其他房 多謝你地睇到呢到呀 下次再分享其他既比大家啦! 以下係酒店既資料: 名稱: 沖縄ナハナ・ホテル＆スパ／Okinawa NaHaNa Hotel & Spa 地址: 〒900-0033 沖縄県那覇市久米2-1-5 電話: 098-866-0787 MAPCODE: 33156221＊58 官方網頁 房價: HKD$850起 停車場費用: 1200 YEN一晚 多謝大家睇左咁耐我講廢話 想問多D既話歡迎用以下途徑搵我 Email: choitsz_wing@yahoo.com.hk Facebook: littlecongi分享地攤 Line: ck6057 Instagram: little_congi /congi_share
