終於講曬所有好靚同比較貴價既酒店 依家輪到番市中心既酒店比大家參考下 一般我係市中心都係會搵D新酒店或者大品牌 今次都係大家熟悉既DORMY INN 唔講咁多啦 呢個分享主力都係比大家睇下真實既相 去啦 (借圖的，因為係宮崎個陣都係落雨影唔到) 由於呢間都好似只係新左兩到三年 所以入面都幾新淨既 CHECK IN 完成之後，你會收到以下呢份資料 咁呢份野就包括左以下既野 匙卡、收據、大浴場入浴守則 而綠色個PART就係女性浴場既密碼 如果你係連住的話，咁每日番黎個陣就要問前檯拎新密碼 最後打開呢個封套就會係一張介紹附近既好野食 而張入浴守則打開就有更多酒店既資料比大家 好，係時候去睇下房啦 DORMY INN既房出左名唔係大同埋無咩TWIN ROOM 不過好好彩，呢間係有既 一入房門就見到兩張床 圖既右邊仲有個小小既文書空間同電視 其實空間都幾夠 之後再去睇下沖涼房先 打開門既左邊，會見到洗手盤 而右邊就係沖涼既地方 又再遇到乾濕分離，十分好 而個廁所呢，就係一開門個到 等大家兩個人入住既時候都唔洗爭廁所用 安頓好個人之後我地就出去左食燒肉 下篇將會介紹 燒肉 – 萬力 (連結後補) 而食完番黎就當然去浸下溫泉先 宮崎呢間既溫泉叫日向之湯 但係佢呢到個溫泉第二朝個男女浴場係唔會好似其他咁會調轉架 所以訓醒再去浸既話記得留意番啦 女湯門口 最後浸完溫泉梗係要去食番個DORMY INN名物 宵夜拉麵啦 雖然本身食到好飽 但呢碗麵就好似7仔D野食咁 幾飽都會食得落既XD 呀，之前唔記得左講，入住呢間DORMY INN呢 係晚7-9既HAPPY HOUR 上去浴場個層就可以一人有一杯免費既啤酒 最後提提揸車既朋友，佢地係無自己既停車場 佢個停車場係夾埋其他酒店共用一個既 同埋佢呢個停車場係無電梯的 所以到埗既第一時間係地下落左行李先上去泊車呀 多謝你地睇到呢到呀 下次再分享其他既比大家啦! 以下係酒店既資料: 名稱: 天然温泉 日向の湯 ドーミーイン宮崎 (Dormy Inn Miyasaki) 地址: 〒880-0001宮崎県宮崎市橘通西二丁目5-32 電話: 0985-35-5489 官方網頁 房價: HKD$945起 多謝大家睇左咁耐我講廢話 想問多D既話歡迎用以下途徑搵我 Email: choitsz_wing@yahoo.com.hk Facebook: littlecongi分享地攤 Line: ck6057 Instagram: little_congi /congi_share
