上次同大家講完好豪華的單棟別墅 黎緊都係講埋比較豪華既溫泉旅館先再同大家分享民宿啦 今日要推介既又係位於深山…… 有睇我文章既大家都知我成日去埋D深山，渺無人煙既地方食玩同訓 係呀，又係深山呀XD 因為我同團友都覺得既然有車當然要去深山D玩先抵 好啦，唔講廢話，直入正題 經過左一上山既單程路，終於見到我地既目的地 右邊條路一直落去就會係個細細既停車場，大約10個車位左右 係我泊緊車既同時 已經有個靚姐姐跑左出黎，接待我地之餘，仲好客氣咁叫我地比曬D行李佢 但我地唔好意思，所以自己拎番 一入到大堂，第一下吸引到小編我既係以下呢個VIEW 如果可以日日咁坐係到望住呢個VIEW，你都唔好話唔正 係比左PASSPORT職員CHECK IN既期間，佢地會叫你坐係上圖個梳化到等 仲會比杯WELCOMING DRINK你飲住等 真係好CHILL架 係職員幫你CHECK IN完之後我地都準備上房啦 睇下入住既資料先 入去LU 一入到門口最吸晴既就係呢個VIEW 雖然天氣唔太好，但個景都真係靚既 回頭一望原來就係和式既床 仲有一個小小既和式茶几 上圖既右邊係個大櫃，岩曬要掛衫既你 之後，當然要去睇下呢到既私人風呂啦 呢到強調每間房都有私人風呂架 踏入洗手間 左邊係廁所 而右邊就係私人風呂既所在地 雖然唔算係好大個池，但係都總算係私人風呂 同埋佢有個好正既景比你一路浸一路睇 都算人生一大樂事也 要提提大家，別府個邊係比較多硫磺溫泉 呢個都唔例外，所以入住呢間之前，大家都要考慮下先 趁住仲未夠鐘去食DINNER，所以我地係房到用佢個咖啡機沖左杯茶嘆個CAKE先 無錯，又係呢個高千穗牧場既蛋糕，呢個旅程出現左唔少次，但值得一買再買架 終於夠鐘去食飯 我地食6點，但連埋我地都好似得番兩檯人== 好冷清 黎啦喂，又黎睇下MENU先 每次食呢D餐既時候，放好左係檯面既就一定係前菜同開胃酒 例牌都係會用番個期限定既食物，而9月10月既話就多數係栗子同柿 跟住就係刺身 再黎就係壽司同清湯 跟住無啦啦上左個幾西式既野 原來係燒鰻魚同其他燒物 之後係煮物既年糕 以上既都未係最重點想介紹既食物 以下就係最最最重點要比大家睇既，豐後牛燒喜燒配溫泉蛋 之後會上埋飯同湯比你 嘩…..又睇到口水都流曬出黎 雖然佢得幾片牛肉，但係食完真係堅飽架 煲到一半仲正 因為D牛肉下面原來收埋好多菜架 最後，有簡單既布丁收尾 飽曬 入住溫泉旅館既呢一日因為又係追行程，所以好攰，好早又訓左 係時候又去睇第2朝既早餐啦 一去到，又係見到D一SET SET既野 打開蚊帳先 大部份都係醃製類食物 送飯一流 係你坐定定之後，職員又會上埋餘下既野食比你 量唔太多，但款多所以都幾飽下 食完早餐又未夠鐘CHECK OUT，所以行左出LOBBY睇下風景 行到出去，原來尋日見到個玻璃門係會打開架，仲可以行出去TIM 終於有好天氣睇到靚景 為我地下站去動物園帶來美好既開始 嗯，又介紹完啦，希望你地鐘意啦 酒店資料: 名稱: 別府溫泉旅館 テラス御堂原 地址: 〒874-0831 大分県別府市堀田5組 電話: 0977-85-8872 官方網站 房價: ~2000港幣一人一晚 多謝大家睇左咁耐我講廢話 想問多D既話歡迎用以下途徑搵我 Email: choitsz_wing@yahoo.com.hk Facebook: littlecongi分享地攤 Line: ck6057 Instagram: little_congi /congi_share
