上集講緊，係霧島食炭火燒地雞 咁我地食完之後仲去左個泥漿浴溫泉 敷完之後，我地就急急腳揸車去我地是日既落腳點 – 飫肥城附近既獨立屋啦 根據佢地既官網，係需要係5點前去到飫肥城賣飛個地方做CHECK IN (最尾會有資料) 如果要LATE CHECK IN，請大家記得，記得，記得要預早SEND EMAIL通知佢地，咁佢地就會SEND一份PDF話你知點入屋架啦 今次小編我地所入住既係季樂既勝目邸 後來上網搵資料先知呢到大有來頭 原來呢到本身係18世紀武士既住宅黎，佢入面既庭園庭園被稱為枯山水式庭園 只係用石頭呈現山和水，仲要係宮崎縣既指定名勝 嘩，真係唔講都唔知原來咁出名 係入去之前我地可以睇下個FLOOR PLAN先 望落都幾大WO，實際係點? 事不而遲，即刻入去睇下有幾威威先 經過左上面個大門之後呢行過條小路就會到玄關 留意番，行到玄關既中途，大家要望下頭頂有無蜘蛛等緊你…..因為我地去個陣係黃昏，都有3幾隻 去到玄關，左邊有個密碼鎖，店家PRE SET既密碼將會係你電話既尾4個數字 入到去，終於可以開始我地既ROOM TOUR啦 入左門既左邊第一間房就係個好大既廁所 但佢個洗手盤有D細XDDD 再去係浴室，一行埋去，又大叫 因為有個木既風呂，木既風呂其實好正 點解咁講，因為當你入滿熱水之後，木風呂就會散發佢獨特既香氣 等你浸浴個陣更加有效放鬆成個人 浴室既另一邊係放置清潔用品同洗衣機 洗衣液都有提供埋架 大家有留意到既話，層架上方最右邊就係放濕器，等你訓覺個陣唔會太乾 之後我地再沿外圍行，見到左邊又有個門 原來係間屋既後花園 但天氣唔穩定，我地都無出去 再繼續去，就到左我覺得最重點想介紹既地方啦 佢就係廚房同飯廳啦 唔好以為佢咩都無，再回頭望一望就會開始見到D用具 微波爐，雪櫃，甚至飯煲都有 好勁…. 除左上圖之外，洗手盤下面都有一堆用具可以用 點擊圖片放大 +2 仲有最重要既垃圾筒 睇完廚房同飯廳，我地就繼續去ROOM TOUR 下一個位置係屬於偏廳既地方 坐住係到嘆番杯茶都幾舒服架，真係人生一大樂事 再繼續向前就係我地既睡房 成件事好搞笑，全座野入面最細就係個睡房 不過，舒服就得啦 最後係間屋入面要介紹既就係中間個和式房 如果你多過兩個人入住呢，呢到就可以用黎舖榻榻米訓既，而我地得兩個人 所以就係放小茶几 大家應該見到圖中間有個發光既物體 等我ZOOM近D先 原來係個SMARTPHONE黎，佢可以比你打電話，上網，等等 佢最重要既用途係，你CHECK OUT既時候，係要用呢個電話打比服務員，通知佢地你要CHECK OUT 好啦，間房就講得7788啦 咁又講下我地當晚食左咩啦 本身，我地諗住出去食既，點知好幾間都好似係食燒地雞 但由於我地個日既晏先食完，所以無揀到 我地最後去左附近既超市，步行約兩分鐘左右 本來諗住整D好少少既野食下 但因為我地都好懶，所以買左D野打邊爐就算 番到去再組裝一下 即刻感覺好勁，同好好食 食完仲有個飯後果 同埋係高千穗牧場買既芝士蛋糕 正呀 其實同場仲加映左即沖麵豉湯，要過好飽既關係就留左第2朝先飲 本來我地第2朝係想去超市隔離既小店買玉子燒做早餐 點知好黑仔又無開，唯有又FAMILY MART啦 打到呢到，終於講完啦，呢間屋對我地黎講真係新奇又有趣，所以廢話好似多左D 最後再提提大家既係，係CHECK OUT之前記得去飯廳到填左佢地份問卷 你既意見係好有用架 多謝你地睇到呢到呀 下次再分享其他既比大家啦! 以下係酒店既資料: 名稱: 季楽 飫肥 勝目邸 (kiraku obi katsume) 地址: 〒889-2535 宮崎県日南市飫肥 6-7-10 電話: 0987-67-6029 官方網頁 房價: 約HKD$2000一晚 停車場: 有 CHECK IN停車場個MAPCODE: 274 432 672*82 多謝大家睇左咁耐我講廢話 想問多D既話歡迎用以下途徑搵我 Email: choitsz_wing@yahoo.com.hk Facebook: littlecongi分享地攤 Line: ck6057 Instagram: little_congi /congi_share
