今次由鹿兒島上福岡既8日之旅終於完成 係未開始介紹住宿比大家之前，我決定要介紹左呢個地方比大家先 呢一間食炭火燒地雞既舖位於霧島既山上面 可以比個路線大家參考下 鹿兒島市中心 -> 高千穗牧場 -> 古里庵 霧島店 -> 霧島神宮 -> さくらさくら温泉 (泥浴) -> 宿季楽 飫肥 合屋邸 呢間舖係朋友係日本D BLOG到搵到既 望落好似幾唔錯，所以就去試埋 事不宜遲，去啦喂 由於我地係揸車去既，一開始用電話MAP GPS，所以唔係好準 (係資料個到，我留左MAPCODE比你地) 又搵左一陣，先搵到佢個門口 沿住呢條小路行，就見到呢間屋 佢就係食炭火燒既地點啦 因為佢地其實係一間民宿黎，所以都係入屋要換番對拖鞋先 行到入去，又有個D好古式古香既感覺 最鐘意就係去呢D小店，無遊客，好LOCAL 坐定定又係時候睇下MENU有咩揀 小編我呢就建議大家揀以下既COURSE 2000YEN既SET呢，個燒肉就得雞腿 但去到2500YEN或以上，個燒肉SET係多好多架，所以推薦揀2500YEN或以上 唔想食成個SET既你都可以揀下圖既散叫 當然仲有野飲可以揀啦 揀好食咩，就等叔叔幫我地預備啦 燒野食最緊要係咩，當然係個爐啦 炭燒既好處係，就算夏天黎食，唔洗見到個明火都可以燒到野食 說時遲那時快，叔叔已經開始上菜 先黎前菜 再上一堆用黎燒既雞肉 居然仲有機會試內臟 最刺激既野即將出現!!!! 我地係揸車黎既途中不停估會唔會有機會食雞刺身 點知!!!!!!真係有架 上圖呢個係雞脾刺身 我地兩個食第一啖個陣都好驚，唔知會係咩味同咩口感 點知食落口，無咩味但口感又幾得意XDD 之後我地就開始燒野食啦 至於燒過既雞，發現佢既質感有別於香港食到既雞 佢地既雞係無咩油脂，好實肉，但又唔話鞋口，反而好有咬口 最令到我地驚艷既係燒雞皮，本身以為食落會係炸完既個種脆 點知，食落係乾爽既脆，完完全全無油膩既感覺 超級好食 食左大半，叔叔又繼續上食物 今次黎既係一個飯團同埋蕎麥麵 飯團根據叔叔講係要放上爐到加熱既 見佢開始有焦呢，就可以加埋佢地既麵豉汁繼續燒 燒到有DD硬身就可以食架啦 食到呢一刻真係好飽，但又真係超好食 食完坐係到望住出面既風景 真係好正，如果下次有機會係出面燒就更加好啦=) 舖頭就介紹完啦，又係時候比D貼士大家: 去之前最好FACEBOOK MESSAGE店家當日有無開同預約好先去食 叔叔們好鐘意同你地傾偈，不妨盡力用你既識得既日文或者英文同佢地講下野 上到山信號好差，搵唔到路既話個到兜多幾下，個到D路似停車場 就係咁多啦，希望你地有人去完可以FEEDBACK下番黎比我啦 店舖資料: 名稱: 古里庵 霧島店 營業時間: 11：30～15：30 (毎週月曜・火曜不定休) 地址: 〒899-4201鹿児島県霧島市田口字霧島2594 MAPCODE: 376 149 266*22 電話: 0995-57-1290 官方網站: 古里庵 FACEBOOK 想問多D既話歡迎用以下途徑搵我 Email: choitsz_wing@yahoo.com.hk Facebook: littlecongi分享地攤 Line: ck6057 Instagram: little_congi / congi_share
