上一篇講到米子既溫泉，今次就介紹番市中心既酒店 係米子玩既話，一般都係會住米子站或者境港 而小編我今次就揀左係境港入住 原因係我一直都有聽過御宿野乃呢個品牌 佢都係DORMY INN旗下既酒店黎 但大阪個D熱門地點比較貴同難BOOK 所以今次見唔係好貴就BOOK左 由於我一共有3個人去，本來諗住BOOK間3人房 點知遇到有PROMOTION，兩間雙人房仲平過1間3人房 於是我地就BOOK雙人房啦 又黎睇下個門口先 大家可以睇下左手邊有幾架單車 如果你係入住既客人，可以向櫃檯免費借用單車架 一行到入去又係DORMY INN規距 就係你對鞋要留低啦 圖既右邊就係CHECKIN COUNTER 而左邊就係鞋櫃 如果係兩個人一齊入住的話，可以用同一格放鞋 因為一格分開左上下兩層架 Check in好，又係時候上房啦 今次要開箱比大家既就係最平既雙人房 芝麻開門 其實一望埋去就已經係房既全部 小編我本身幾鐘意和洋式既房 因為我好怕地氈會好污糟 比大家睇埋床尾既擺設先 右邊就係比大家帶上浴場沖涼既籃 再回頭一睇 發現原來個洗手盤係出面黎 仲下面仲有個雪櫃仔架 咁大家係便利店買完野都唔洗擔心無得雪啦 之後又黎到浴室既環節 我個人真係比較鐘意呢D乾濕分離既浴室 去廁所個陣唔會話比D蒸氣焗住好辛苦 最後不得不提既就當然係9點到10點既午夜拉麵啦 雖然唔係話好好味，但係係親DORMY INN都會去食番碗 房既就介紹到呢到 接住落黎，我會介紹埋附近既一間串燒店 呢到既食店好多都係9點左右就收工 所以要食野，記得要早D 同埋有樣野想提提大家，由於境港個邊未係真係好發展成旅遊區 都會有唔少既店舖唔係太想招待外地人 但以下呢間串燒店係有埋中文MENU既 所以算係比較會招呼外國人既店舖 呢間舖叫做 やきとりときや 境港店 同呢間酒店大概距離5-10分鐘的路程 門口因為太黑所以無影到，大家可以COPY上面個名去GOOGLE搵下 以下介紹其中一D好味既比大家 雞全翼(會碎上的) 玉子燒 鯖魚 必食!!!!!雞皮 因為我一家得3個，所以都無食到好多 提提大家，你一坐低佢地會希望你叫左野飲先慢慢再諗食咩 記得最好落左野飲既ORDER先呀 多謝你地睇到呢到呀 下次再分享其他既比大家啦! 以下係酒店既資料: 名稱: 天然温泉境港夕凪の湯 御宿野乃(Sakaiminato Onyado Nono Natural Hot Spring) 地址: 〒684-0004 鳥取県境港市大正町216 電話: 0859-44-5489 官方網頁 房價: HKD$600起，有家庭房 停車場: 58個位 多謝大家睇左咁耐我講廢話 想問多D既話歡迎用以下途徑搵我 Email: choitsz_wing@yahoo.com.hk Facebook: littlecongi分享地攤 Line: ck6057 Instagram: little_congi /congi_share
