好似好耐都無分享日本以既資訊比大家啦 所以今日決定介紹一下係瑞典首都，斯德哥爾摩既酒店比大家啦 Radisson呢個集團係北歐都係個幾出名既酒店集團 雖然算係中上既價錢，但係質素係10分好的 今次呢一間就位於斯德哥爾摩既T-Centralen車站既隔離 係呀，你無聽錯，係隔離 比大家睇下地圖先 大家見到中間黃色既就係火車站，即係話如果係機場直接搭鐵路出市中心既話 唔單止唔洗轉車，仲要係一落車行出去就係酒店 真係好方便 話說回頭我地即刻去睇下酒店咩樣啦 外形就好鬼靚 但一開始好好奇點解出面有咁多旗桿 原來呢到係一個BUSINESS CENTRE黎架 所以係代表緊唔同家都可以係呢到LINK UP一齊 再睇埋全個酒店既景 入到去CHECK IN好之後，大家可以去個BAR外面拎小小Refreshment 有DETOX水呀，生果，小食等等 之後，我地就上房啦 今次小編我所BOOK既係TWIN ROOM雙床房 一入到去，因為窗簾係打開左既 所以就FEEL到太陽為北歐帶黎溫度 再睇番房既大細，其實都好大 係左邊，仲有張辦工檯，果然係business centre 留意番，檯上既水係免費，但小食係要收錢架 跟住，再黎睇下既就係廁所啦 入面同北歐既天氣一樣，好夠乾爽 大家再望下左邊個浴室先 水係夠熱同熱得好快既 但唯一唔好既就係擋水既玻璃有D短 但係我頭先都有講過，就係個廁所同北歐一樣咁乾 點解咁講呢 原因係，我地第一晚沖完涼第二朝起身去廁所個陣 發現個廁所係乾曬 連朋友自己帶去用既毛巾都乾到硬左 係。硬。左 真係好誇張 不過咁樣都係好既，最少第2朝起身既時候唔會因為前一晚整濕左個地下而覺得個廁所好DIRTY 房間入面既相唔係影得好多，房入面都介紹完啦 不過以下呢，我想講多少少街外有邊可以搵下野食啦 大家如果夜晚番到酒店附近，又唔知食咩好既話 不妨落去Vasagatan個到搵下野食 路程都係兩三分鐘架JA 有平價西餐VA PIANO 又可以試下地道快餐MAX食下BURGER咁 仲有COFFEE SHOP食D比較LIGHT既野食 提提大家: 瑞典提倡唔用現錢，同埋香港換錢個匯率係比較貴 所以建議大家帶定一張有PAYWAVE既信用卡去用 碌卡既時候最好記得問一問職員需唔需要簽名 因為當地人簽卡一般係唔洗簽名架 唔好因為你無簽到張單而影響到人地呀=) 多謝你地睇到呢到呀 下次再分享其他既比大家啦! 以下係酒店既資料: 名稱: 麗笙藍光酒店 - 斯德哥爾摩海濱 (Radisson Blu Waterfront Hotel Stockholm) 地址: Nils Ericsons Plan 4, Stockholm111 64, Sweden 電話: +46 (8) 5050 6000 官方網頁 房價: ~1000港元一晚 多謝大家睇左咁耐我講廢話 想問多D既話歡迎用以下途徑搵我 Email: choitsz_wing@yahoo.com.hk Facebook: littlecongi分享地攤 Line: ck6057 Instagram: little_congi /congi_share
